କନକ ବ୍ୟୁରୋ : ସ୍ୱପ୍ନ ଦେଖିବା ଛାଡନ୍ତୁନି । ସ୍ୱପ୍ନ ଦିନେ ନା ଦିନେ ପୂରଣ ହେବ । ଏଭଳି ଆହ୍ୱାନ ଦେଇଛନ୍ତି ବଲିଉଡର ବର୍ଷିୟାନ ଅଭିନେତା ତଥା ଜାତୀୟ ଫିଲ୍ମ ଅନୁଷ୍ଠାନର ଅଧ୍ୟକ୍ଷ ଅନୁପମ ଖେର । ଆଜିଠାରୁ ଆରମ୍ଭ ହୋଇଥିବା ତୃତୀୟ କିଟ୍ ଫିଲ୍ମ ଫେଷ୍ଟିଭାଲକୁ ଉଦଘାଟନ କରିଛନ୍ତି ଅନୁପମ ଖେର୍ ।
Kanak News is now on WhatsApp
Join and get latest news updates delivered to you via WhatsApp
ଏହି ଅବସରରେ ତାଙ୍କ ଅଭିନୟ ଜୀବନର ସଂଘର୍ଷ ସମୟ କଥାକୁ କିଟ୍ ଫିଲ୍ମ ଇନଷ୍ଟିଚ୍ୟୁଟର ଛାତ୍ରଛାତ୍ରୀଙ୍କ ଆଗରେ ବଖାଣିଥିଲେ । କିଭଳି ସିମଲାର ମଧ୍ୟବିତ୍ତ ପରିବାରରୁ ଆସି ବଲିଉଡରେ ନିଜର ଆସ୍ଥାନ ଜମାଇଥିଲେ ଓ ତାଙ୍କ ପ୍ରଥମ ଫିଲ୍ମରେ ୨୮ ବର୍ଷର ଅନୁପମଙ୍କୁ ୬୫ବର୍ଷର ବ୍ୟକ୍ତିର ଅଭିନୟ କରିବାକୁ ପଡିଥିଲା । ଏସବୁ ଭିତରେ ୮ଥର ଫିଲ୍ମ ଫେୟାର ଆୱାର୍ଡ ତାଙ୍କ ଅଭିନୟ ଜୀବନକୁ ଉଚ୍ଚକୁ ନେଇଯାଇଥିଲା । ଏହାଛଡା ସେ ତାଙ୍କ ବଲିଉଡ ଫିଲ୍ମ ‘ରାଂଚି ଡାଏରିଜ’କୁ ପ୍ରମୋଟ କରିଥିଲେ । ଏଥିରେ ଓଡିଆ ନିର୍ଦ୍ଦେଶକ ସାତ୍ୱିକ ମହାନ୍ତି ପ୍ରଥମଥର ପାଇଁ ନିର୍ଦ୍ଦେଶକ ଭାବେ ଡେବ୍ୟୁ କରିଛନ୍ତି ।