ମୁକ୍ତ ହେଲେ ବିଦେଶୀ ! ଜଙ୍ଗଲରୁ ଜନ୍ ନିଖୋଜ ଘଟଣାରେ ପଡିଲା ଯବନିକା
କନକ ବ୍ୟୁରୋ : ଜଙ୍ଗଲରୁ ଜନ୍ ନିଖୋଜ୍ ଘଟଣା ଉପରେ ପଡ଼ିଲା ଯବନିକା । କାନାଡ଼ା ନାଗରିକ ଜନ୍ ସ୍ଲାଜାଗଙ୍କୁ ଆଜି ଉଦ୍ଧାର କରିଛି ଛତିଶଗଡ଼ ପୁଲିସ । ଜନ୍ ଲାଲବାହିନୀଙ୍କ କବଜାରେ ଥିବା ସୂଚନା ଦେଇଛନ୍ତି ବସ୍ତର ଆଇଜି । ତେବେ ବିଦେଶୀ ନାଗରିକ ଜନଙ୍କୁ ଛାଡ଼ିବା ନେଇ ପୁଲିସ୍ ସୂଚନା ପାଇବା ପରେ ତାଙ୍କୁ ଉଦ୍ଧାର କରିଛି ।
Kanak News is now on WhatsApp
Join and get latest news updates delivered to you via WhatsApp
କାନାଡାର ବୈଦେଶିକ ବ୍ୟାପର ମନ୍ତ୍ରାଳୟ ପକ୍ଷରୁ ଭାରତକୁ ସୂଚନା ଆସିବା ପରେ ସାମ୍ନାକୁ ଆସିଥିଲା ଜନଙ୍କ ନିଖୋଜ୍ ଘଟଣା । ଅପହରଣ ଆଶଙ୍କା ଥିବାରୁ ଏନେଇ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଫୋନରେ ଆଲୋଚନା କରଥିଲେ ସୁଷମା ସ୍ୱରାଜ୍ ।
ଗତ ମାର୍ଚ୍ଚ ୧୪ ତାରିଖରେ ମୁମ୍ବାଇରେ ପହଂଚିଥିଲେ ଜନ୍ । ସେଠାରୁ ସାଇକେଲ ଯୋଗେ ଛତିଶଗଡ଼ରେ ପହଂଚିଥିଲେ । ଆଉ ଠିକ୍ ମାଓ ପ୍ରଭାବିତ ସୁକମା ଅଂଚଳରୁ ଗାଏବ୍ ହୋଇଯାଇଥିଲେ କାନାଡ଼ା ନାଗରିକ । ସେ ଚଢ଼ୁଥିବା ସାଇକେଲରେ ଜିପିଏସ୍ ସଂଯୋଗ ଥିବାରୁ, ଏଥିରେ ଥିବା ଏକ ଏମରର୍ଜେନ୍ସି ବଟନ୍ ଯୋଗେ କାନାଡାକୁ ସୂଚନା ଦେଇଥିଲେ ।