ଜମି କିଣିବା ବାହାନାରେ ଅପହରଣ : ଦୁର୍ବୃତଙ୍କ କବଳରୁ ସମ୍ବଲପୁରର ଅବସର ପ୍ରାପ୍ତ ବ୍ୟାଙ୍କ କର୍ମଚାରୀଙ୍କୁ ଉଦ୍ଧାର କଲେ ପୁଲିସ
ସମ୍ବଲପୁର : ସମ୍ବଲପୁର ସହରର ଜଣେ ଅବସର ପ୍ରାପ୍ତ ବ୍ୟାଙ୍କ କର୍ମଚାରୀଙ୍କୁ ଅପହରଣକାରୀଙ୍କ କବଳରୁ ଉଦ୍ଧାର କରିଛି ଅଇଁଠାପାଲି ପୁଲିସ । ଗତ ୧ ତାରିଖ ଦିନ ଅଇଁଠାପାଲି ଅଂଚଳର ମଥୁରା ମୋହନ ଦାଶଙ୍କୁ କେତେକ ଦୁର୍ବୃତଙ୍କ ଜମି କିଣିବା ବାହାନାରେ ଅପହରଣ କରି ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମଥୁରାଙ୍କୁ ପ୍ରଥମେ ଦୁର୍ବୃତମାନେ ଅଇଁଠାପାଲିରୁ ତାଙ୍କ ଜମି ଦେଖାଇବା ପାଇଁ କହି ଏକ ବୋଲେରୋ ଗାଡ଼ିରେ ନେଇ ଯାଇଥିଲେ । ସମ୍ବଲପୁର ଜିଲ୍ଲା ଭାଲୁପାଲି ଅଂଚଳ ପହଂଚିବା ପରେ ମଥୁରାଙ୍କ ମୁଣ୍ଡରେ ବନ୍ଧୁକ ଲଗାଇ ତାଙ୍କୁ କୁଚିଣ୍ଡା ଦେବଗଡ଼ ଦେଇ ଝାରଖଣ୍ଡର ଚାଇଁବସା ନେଇ ଯାଇଥିଲେ । ଏହାପରେ ତାଙ୍କୁ ୨ କୋଟି ଟଙ୍କା ମାଗିଥିଲେ ।
ଏତେ ଟଙ୍କା ଦେଇପାରିବିନି କହିବାରୁ ଶେଷରେ ୧ କୋଟି ଟଙ୍କାରେ ଡ଼ିଲ ହୋଇଥିଲା । ଏପଟେ ମଥୁରା ଘରକୁ ନଫେରିବାରୁ ଘରଲୋକେ ପୁଲିସର ଏତଲା ଦେଇଥିଲେ । ଅଇଁଠାପାଲି ଥାନା ପୁଲିସ ତନାଘନା ଆରମ୍ଭ କରି ମଥୁରାଙ୍କୁ ଉଦ୍ଧାର କରିବା ସହ ଦୁଇ ଜଣ ଅପହରଣକାରୀଙ୍କୁ ଗିରଫ କରିଛି । ଅପହରଣରେ ସଂପୃକ୍ତ ଦୁଇଜଣ ହେଲେ ସମ୍ବଲପୁର ରେଙ୍ଗାଲିର ନିମିଶ ମିଶ୍ର ଓ ବୌଦ୍ଧ ଜିଲ୍ଲା ମନମୁଣ୍ଡାର ଜଟିଆ ସିଂହ । ତେବେ ମୁଖ୍ୟ ଅଭିଯୁକ୍ତ ଅଶୋକ ପଣ୍ଡା ଏବେବି ଫେରାର ଅଛି ।
ଏହା ସହ ଦେଖନ୍ତୁ ଏହି ଭିଡିଓ –