କନକ ବ୍ୟୁରୋ : ସ୍ୱାଧୀନତାର ୭ ଦଶନ୍ଧି ପରେ ବି ଗାଁଗୁଡିକରେ ଖାପ ପଂଚାୟତ ପରମ୍ପରା ଥମିବାର ନାଁ ଧରୁନାହିଁ । ଖାପ ପଂଚାୟତର ଆଉ ଏକ ଉଦାହରଣ ଦେଖିବାକୁ ମିଳିଛି ମାଲକାନଗିରି ଜିଲ୍ଲାରେ । ସରକାରୀ ଜମି ଜବରଦଖଲକୁ କେନ୍ଦ୍ର କରି ମାଲକାନଗିରି ଜିଲ୍ଲା ଓରକେଲ ଥାନା ଏମ.ଭି–୩୮ ଗାଁର ବିମଳ ସରକାରଙ୍କ ପରିବାରକୁ ଗାଁ କମିଟି ବାସନ୍ଦ କରିଦେଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିମଳଙ୍କ ପରିବାର ଗତ ୩୦ ବର୍ଷ ଧରି ସେଠାରେ ବସବାସ କରୁ ଥିବା ବେଳେ ସାମାନ୍ୟ ସରକାରୀ ଜମି ଜବରଦଖଲକୁ କେନ୍ଦ୍ର କରି ବିମଳଙ୍କ ପରିବାରକୁ ଗାଁରୁ ବାସନ୍ଦ କରାଯାଇଛି । ଏପରିକି ବିମଳଙ୍କ ପରିବାର ସଦସ୍ୟଙ୍କ ସହ କେହି କଥା ହେଲେ ୫ ହଜାର ଟଙ୍କା ଜରିମାନା ଦେବାକୁ ପଡିବ ବୋଲି ଗାଁ କମିଟି ଏକ ଖାପ ପଂଚାୟତରେ ନିଷ୍ପତି ନେଇ ଥିବା କହିଛନ୍ତି ବିମଳଙ୍କ ପରିବାର । ବିମଳ ଗୋଟିଏ ଛୋଟ ଦୋକାନ କରି ପରିବାର ଚଳାଉଥିବା ବେଳେ ଏଭଳି ନିଷ୍ପତି ପରେ ଗତ ଏକ ମାସ ହେଲା ଅତି ଦୁଖ କଷ୍ଟରେ ଦିନ ବିତାଉଛନ୍ତି ତାଙ୍କ ପରିବାର । ଏ ନେଇ ବିମଳ ଓରକେଲ ଥାନା ପୋଲିସକୁ ଜଣାଇ ଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନଥିବା ସେ କହିଛନ୍ତି ।