ପାରିବାରିକ କଳିହେଲା କାଳ : ଜମିବାଡି ବିବାଦକୁ ନେଇ ଭାଇକୁ ହାଣିଲା ଭାଇ,ଭାଉଜ ଗୁରୁତର
କନକ ବ୍ୟୁରୋ : ପାରିବାରିକ କଳହର କରୁଣ ପରିଣତି । ଭାଇକୁ ହାଣିଲା ଭାଇ । ନୟାଗଡ ଜିଲ୍ଲା ଖଣ୍ଡପଡାରେ ଏକ ଜମିଜମି ବିବାଦକୁ କେନ୍ଦ୍ର କରି ଭଡଭାଇ ଓ ଭାଉଜଙ୍କୁ ଆକ୍ରମଣ କରିଛି ସାନଭାଇ । ଏଥିରେ ବଡଭାଇ ରମେଶ ସ୍ୱାଇଁଙ୍କ ମୃତ୍ୟୁ ହୋଇଥିବାବେଳେ ଭାଉଜ ପୁଷ୍ପଲତା ସ୍ୱାଇଁ ଗୁରୁତର ଅବସ୍ଥାରେ ନୟାଗଡ ଜିଲ୍ଲା ହସ୍ପିଟାଲରେ ଭର୍ତି ହୋଇଛନ୍ତି । ତାଙ୍କ ଅବସ୍ଥା ମଧ୍ୟ ସଂକଟାପନ୍ନ ଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣାରେ,ସାନଭାଇ ସୁରେଶ ସ୍ୱାଇଁଙ୍କୁ ଗିରଫ କରିଛି ଖଣ୍ଡପଡା ପୁଲିସ । ପରିବାର ଭିତରେ ଏକ ଜମିକୁ ନେଇ ଦୀର୍ଘ ଦିନରୁ ବିବାଦ ରହିଥିବା କହିଛନ୍ତି ନୟାଗଡ ଏସପି । ଆଜି ସକାଳୁ ମଧ୍ୟ ଗଣ୍ଡଗୋଳ ଆରମ୍ଭ ହୋଇ ଉଗ୍ର ରୂପ ନେଇଥିଲା । ସ୍ପଷ୍ଟ ହୋଇନ’ଥିଲେ ମଧ୍ୟ ସାନଭାଇ ସୁରେଶ ଏକ ଫାଉଡାରେ ଭାଇ ଓ ଭାଉଜଙ୍କୁ ଆକ୍ରମଣ କରିଥିବା କୁହାଯାଉଛି ।
ଏହାସହ ଦେଖନ୍ତୁ ଏହି ଭିଡିଓ :