ସରକାରୀ କାର୍ଯ୍ୟରେ ହେବ ନାହିଁ ‘ଦଳିତ’ ଏବଂ ‘ହରିଜନ’ ଶବ୍ଦର ବ୍ୟବହାର ! କେରଳ ସରକାରଙ୍କ ବଡ଼ ନିଷ୍ପତି
କନକ ବ୍ୟୁରୋ : ‘ଦଳିତ’ ଏବଂ ‘ହରିଜନ’ ଶବ୍ଦର ବ୍ୟବହାର ଉପରେ ଅଙ୍କୁଶ ଲଗାଇଛନ୍ତି କେରଳ ସରକାର । ସରକାରଙ୍କ ପବ୍ଲିକ୍ ରିଲେସନ୍ ବିଭାଗ ଏନେଇ ଏକ ସର୍କୁଲାର୍ ଜାରି କରିଛି । ଯେଉଁଥିରେ ଏହି ଶବ୍ଦ ଗୁଡିକର ବ୍ୟବହାର ଉପରେ ରୋକ୍ ଲଗାଇବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଭାଗ ସର୍କୁଲାରରେ କହିଛି ସମସ୍ତ ସରକାରୀ ବିଭାଗ ନିଜ ଭିତରେ ଯୋଗାଯୋଗ କରିବା ସମୟରେ ଏହି ଶବ୍ଦ ବ୍ୟବହାର କରିବେ ନାହିଁ । ଏହା ପରିବର୍ତ୍ତେ ସିଡ୍ୟୁଲ୍ କାଷ୍ଟ (ଏସସି) ଏବଂ ସିଡ୍ୟୁଲ୍ ଟ୍ରାଇବ୍ (ଏସଟି) ଶବ୍ଦ ବ୍ୟବହାର କରିବେ । ଏପରିକି ସମସ୍ତ ସରକାରୀ ପବ୍ଲିକେସନ୍ ଏବଂ ସରକାରୀ ପ୍ରଚାର ସାମଗ୍ରୀରେ ମଧ୍ୟ ଦଳିତ ଏବଂ ହରିଜନ ଶବ୍ଦର ବ୍ୟବହାରରେ ରୋକ୍ ଲଗାଇବା ପାଇଁ ଅପିଲ୍ କରାଯାଇଛି ।
ମିଳିଥିବା ଖବର ଅନୁଯାୟୀ , ସାମାଜିକ ଭେଦଭାବ ଦୂର କରିବା ପାଇଁ ଏପରି ଏକ ପଦକ୍ଷେପ ନେଇଛି ବିଭାଗ । କାରଣ ଆଜି ଅନେକ ସ୍ଥାନରେ ଲୋକମାନେ ଭେଦଭାବର ଶିକାର ହେଉଛନ୍ତି । ତେବେ ସରକାରଙ୍କ ଏହି ପଦକ୍ଷେପକୁ ଗ୍ରହଣ କରିନାହାଁନ୍ତି ଦଳିତ ସଂଘ । ସେମାନଙ୍କ କହିବା ଅନୁଯାୟୀ ‘ଦଳିତ’ ଶବ୍ଦ ହିଁ ସେମାନଙ୍କୁ ସାମାଜିକ ଏବଂ ରାଜନୈତିକ ପରିଚୟ ଦେଇଥାଏ । ତେଣୁ ସରକାରଙ୍କ ଏହି ପଦକ୍ଷେପକୁ ଦୃଢ ବିରୋଧ କରିଛନ୍ତି ।