ମିଛ କହୁଛନ୍ତି କି କେରଳ ମୁଖ୍ୟମନ୍ତ୍ରୀ ? ୟୁଏଇର ୭୦୦କୋଟି ଟଙ୍କାକୁ ନେଇ ବଢିଲା ବିବାଦ
କନକ ବ୍ୟୁରୋ : କେରଳରେ ହୋଇଥିବା ପ୍ରଳୟଙ୍କାରୀ ବନ୍ୟାପରେ ଅନେକ ଦେଶ ଓ ରାଜ୍ୟ ସହାୟତାର ହାତ ବଢାଇଛନ୍ତି । ତେବେ ୟୁଏଇ ୭୦୦କୋଟି ଟଙ୍କା କେରଳକୁ ଦେବ ବୋଲି ଚର୍ଚ୍ଚା ଜୋର ଧରିଛି । ତେବେ ଏହି ଟଙ୍କା ଭାରତ ସରକାର ଗ୍ରହଣ କରିବେ ନାହିଁ ମନା କରିବା ସହ ଦେଶ ନିଜସ୍ୱ ଅର୍ଥରେ କେରଳର ରାଜ୍ୟକୁ ସମସ୍ତ ସହାୟତା ଯୋଗାଇ ଦେବ ବୋଲି କହିଥିଲେ । ତେବେ ଏହାକୁ ଭାରତ ଆଗ୍ରାହ୍ୟ କରିଦେବାରୁ ଅନେର ନେତା ଭାରତ ସରକାରଙ୍କୁ ସମାଲୋଚନା ମଧ୍ୟ କରିଥିଲେ । ତେବେ ଏକ ଜାତୀୟ ଗଣମାଧ୍ୟମରେ ଏହି ଟଙ୍କାକୁ ନେଇ ଏବେ ଜୋରଦାର ଚର୍ଚ୍ଚା ହେଉଛି । ଏହାସହ କେବେ ବି ୟୁଏଇ ୭୦୦କୋଟି ଟଙ୍କା ସହାୟତା ଯୋଗାଇ ଦେବ ବୋଲି କହିନଥିଲା ବୋଲି ଜଣାପଡିଛି । ୟୁଏଇ ସୂଚନା ଦେଇ କହିଛି ଯେ, ମୁଁ କେବଳ କେରଳକୁ ସାହାର୍ଯ୍ୟ କରିବା ପାଇଁ କହିଥିଲି ହେଲେ କେତେ ପରିମାଣରେ ଟଙ୍କା ଦିଆଯିବ ତାହା କୁହାଯାଇ ନଥିଲା । ଏହି ୭୦୦କୋଟି ଟଙ୍କା ବାବଦରେ କିଏ କହିଲା ସେନେଇ କୈାଣସି ସୂଚନା ମୋ ପାଖରେ ନାହିଁ ବୋଲି ୟୁଏଇ କହିଛି । ତେବେ ମିଳିଥିବା ସୂଚନା ଅନୁସାରେ, ୨୧ ଅଗଷ୍ଟ ରାତି ୯ଟା ୫୬ରେ କେରଳର ମୁଖ୍ୟମନ୍ତ୍ରୀ ପ୍ରେସ ରିଲିଜ ବାହାର କରିଥିଲେ ନିଜ ଅଫିସରେ ଓ ସେଠାରେ ଲେଖାଯାଇଥିଲା ଯେ, କେରଳର ଏପରି ଅବସ୍ଥାରେ ୟୁଏଇ ଯେପରି ଭାବରେ ସହାୟତ ଦେଇଛି । ତାହକୁ ଆମେ ଅତ୍ୟନ୍ତ ସ୍ୱାଗତ କରୁଛୁ । ଏହାସହ ମୁଖ୍ୟମନ୍ତ୍ରୀଙ୍କ ଫେସବୁକ ଓ ଟୁଇଟରେ ମଧ୍ୟ ଏହି ବିଷୟରେ ସୂଚନା ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
୨୨ ଅଗଷ୍ଟରେ ୟୁଏଇର ଯୁବରାଜ ମଧ୍ୟ ନିଜେ ଟୁଇଟ କରି କହିଥିଲେ ଯେ, ଭାରତର କେରଳରେ ଯେଉଁ ପ୍ରକାରର ବନ୍ୟା ହୋଇଛି । ସେଥିପାଇଁ ଆମେ ସେମାନଙ୍କୁ ସାହାଯ୍ୟ କରିବାର ଆବଶ୍ୟକତା ରହିଛି । କିନ୍ତୁ ଏହି ଟୁଇଟରେ କୈାଣସି ସ୍ଥାନରେ ବି ଲେଖାଯାଇନଥିଲା ଯେ, କେରଳକୁ ୟୁଏଇ ୭୦୦କୋଟି ଟଙ୍କା ଦେବ । ଏହାସହ ସେହି ଟୁଇଟ ରେ ଲେଖାଯାଇଥିଲା ଯେ, ଆମେ ଭାରତକୁ ସାହାଯ୍ୟ କରିବା ଦିଗରେ ଯେଉଁ କଥା କହିଛୁ ତାହାର ଜବାବରେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଧନ୍ୟବାଦ ଦେଇଛନ୍ତି । ତେବେ ଏହି ୨୦୦କୋଟି ଟଙ୍କାର କଥା କେଉଁ ଭାବରେ କୁହାଗଲା ତାହା ଜଣାପଡିନାହିଁ । ତେବେ ଏହି ଟଙ୍କା ବିଷୟରେ କେରଳ ସରକାର କହିବା ସହ ସେଠାକାର ସ୍ଥାନୀୟ ନେତା କହିଥିଲେ ଯେ, ଏପରି ସମୟରେ ବାହାର ଦେଶ ୭୦୦କୋଟି ସାହାଯ୍ୟ ଦେଉଥିବା ବେଳେ ଭାରତ ସରକାର ୭୦୦କୋଟି ଟଙ୍କା ଦେଉଛନ୍ତି । ଏହାସହ ଅନେକ ନେତା କେନ୍ଦ୍ରରେ ଶାସନ କରୁଥିବା ବିଜେପି ସରକାରକୁ ମଧ୍ୟ ସମାଲୋଚନା କରିଥିଲେ । ତେବେ ଯେତେବେଳେ ଭାରତ ୟୁଏଇର ସାହାଯ୍ୟକୁ ଆଗ୍ରହ୍ୟ କରିବା ସହ ଭାରତ ନିଜ ଟଙ୍କାରେ ହିଁ କେରଳକୁ ସମସ୍ତ ପ୍ରକାର ସହୟତା କରିବ ବୋଲି କହିଲା ତାହାପରେ ରାଜନୀତି ମଧ୍ୟ ଜୋର ଧରିଲା ।
ଏହି ପ୍ରସଙ୍ଗରେ ଭାରତରେ ଥିବା ୟୁଏଇ ରାଷ୍ଟ୍ରଦୂତ କହିଛନ୍ତି ଯେ, କେରଳ ପାଇଁ ୟୁଏଇ ସରକାର ସହାୟତା କରିବେ ବୋଲି ଘୋଷଣା କରିଥିଲେ । ତେବେ ଏହି ୭୦୦ଟଙ୍କା କଥା କେଉଁ ଆଡୁ ଆସିଲା ତାହା ଆମେ ଜାଣିନାହୁଁ । ଏହାସହ ଯେଉଁ ଟଙ୍କା କେବେ ମିଳିନାହିଁ ତାହାକୁ ନେଇ ଏତେ ଚର୍ଚ୍ଚା କାହିଁକି । କେରଳ ମୁଖ୍ୟମନ୍ତ୍ରୀ କଣ ମିଛ କହିଲେ ବୋଲି ଏବେ ଅନେକ ପ୍ରଶ୍ନ ଉଠୁଛି ।