କୁକୁର ମୋହରେ କେରଳ ମହିଳା ! ପ୍ରଳୟଙ୍କାରୀ ବନ୍ୟାରେ ସର୍ବଶ୍ୱାନ୍ତ ହୋଇଗଲା ପରେ ମଧ୍ୟ ପାଳିତ ପଶୁଙ୍କୁ ଛାଡିବାକୁ ଅରାଜି ହେଲେ ମହିଳା ।
କେରଳରେ ହୋଇଥିବା ବନ୍ୟା ଏପର୍ୟ୍ୟନ୍ତ ୩୨୪ଜଣ ଲୋକଙ୍କ ଜୀବନ ନେଇ ସାରିଲାଣି । ସରକାରଙ୍କ ତରଫରୁ ଲୋକମାନଙ୍କୁ ସହାୟତା ଯୋଗାଇ ଦିଆଯାଉଥିବା ବେଳେ ଅନେକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ପୂର୍ବରୁ ଜଣେ ଗର୍ଭବତୀ ମହିଳାଙ୍କୁ ହେଲିକପ୍ଟର ସାହାଯ୍ୟରେ ନିଆଯାଇ ତାଙ୍କର ପ୍ରସବ କରାଯିବା ଘଟଣା ସାମ୍ନାକୁ ଆସିଥିବା ବେଳେ ଏବେ ଜଣେ ମହିଳାଙ୍କୁ ୨୫ଟି କୁକୁର ସହ ଉଦ୍ଧାର କରାଯାଇଥିବା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ବନ୍ୟାଜଳରେ ଘରର ସବୁ ଜିନିଷ ଭାସି ଯାଉଥିବା ବେଳେ ଉଦ୍ଧାରକାରୀ ଦଳ ମହିଳାଙ୍କୁ ଉଦ୍ଧାର କରିବା ପାଇଁ ପହଞ୍ଚିଥିଲେ । କିନ୍ତୁ ମହିଳା ଜଣକ ଘରେ ଥିବା ୨୫ଟି କୁକୁରକୁ ଛାଡ଼ି ଯିବେ ନାହିଁ ବୋଲି ସଫା ସଫା ମନା କରି ଦେଇଥିଲେ । ଏହା ପରେ ବାଧ୍ୟ ହୋଇ ଉଦ୍ଧାରକାରୀ ଦଳ ୨୫ଟି କୁକୁର ସହ ମହିଳାଙ୍କୁ ଉଦ୍ଧାର କରିଥିଲେ ।
ସୂଚନା ମୁତାବକ,ଏହି ଘଟଣାରେ ଘଟିଥିଲା କେରଳର ତ୍ରିଶୁରରେ । କେରଳର ତ୍ରିଶୁର ସବୁଠାରୁ ଅଧିକ ପ୍ରଭାବିତ ହୋଇଥିବା ଜିଲ୍ଲା ମଧ୍ୟରୁ ଗୋଟିଏ । ହଠାତ୍ ବନ୍ୟା ଜଳ ପ୍ରବେଶ କରିବାରୁ ସୁନୀତା ନାମ୍ନୀ ଜଣେ ମହିଳାଙ୍କୁ ଘର ଭିତରୁ ଆଣିବା ପାଇଁ ପହଞ୍ଚିଥିଲେ ଉଦ୍ଧାରକାରୀ ଦଳ । କିନ୍ତୁ ମହିଳା ଜଣଙ୍କ ଏକା ଯିବା ପାଇଁ ମନା କରିବା ସହ ଘରେ ଥିବା ୨୫ଟି କୁକୁରଙ୍କୁ ଉଦ୍ଧାର କରାଯିବା ପରେ ମୁଁ ଯିବି ବୋଲି କହିଥିଲେ । ପରେ ମହିଳାଙ୍କ ସମେତ ତାଙ୍କ ୨୫ଟି କୁକୁରକୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା ।