କେନ୍ଦୁଝରରୁ ଆସିଲା ସଂଘର୍ଷ ଆଉ ସଫଳତାର କାହାଣୀ: ବରା ବିକି ବଡ ର୍ୟାଙ୍କ ପାଇବା ପରେ ଚର୍ଚ୍ଚାରେ ଭବାନୀ ଶଙ୍କର
କନକ ବ୍ୟୁରୋ: ସତ ହେଲା ସ୍ୱପ୍ନ । ବହୁ ସଂଘର୍ଷ ପରେ ମିଳିଲା ସଫଳତା । ବରା ବିକାଳି ପାଇଲା ବଡ ର୍ୟାଙ୍କ । ଘରର ଆର୍ଥିକ ପରିସ୍ଥିତି ଭଲନଥାଇ ବି ଭଲ ର୍ୟାଙ୍କ ପାଇଛନ୍ତି ଜଣେ ଗରିବ ଘରର ପିଲା । ଓଜେଇଇ ରେଜଲ୍ଟ ବାହାରିବା ପରେ କେନ୍ଦୁଝରରୁ ଆସିଛି ଏମିତି ଏକ କାହାଣୀ ।
Kanak News is now on WhatsApp
Join and get latest news updates delivered to you via WhatsApp
ଘଟଗାଁ ପିପିଳିଆର ଭବାନୀ ଶଙ୍କର ବେହେରା ଓଜେଇଇରେ ଟପ୍ପର ହେବାପରେ ସାରା ଓଡିଶାରେ ଏବେ ଚର୍ଚ୍ଚା ହେଉଛି ତାଙ୍କ ସଫଳତାର କାହାଣୀ । ଜଳଖିଆ ଦୋକାନରୁ ଓଜେଇଇ ଟପ୍ପର ହୋଇଛନ୍ତି ଭବାନୀ । ବରା ବିକି ଆଉ ବାକି ସମୟରେ ପାଠ ପଢି ଟପ୍ପର ହୋଇ ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଛନ୍ତି ସେ ।
ତେବେ ବାପା ଗୁରୁଚରଣ ବେହେରା ଜଳଖିଆ ଦୋକାନକୁ ଭଡାରେ ନେଇ ସେଥିରୁ ନିଜର ପରିବାର ପ୍ରତିପୋଷଣ କରୁଥିଲେ । ପୁଅ ଭବାନୀ ମଧ୍ୟ ବାପାଙ୍କୁ ଦୋକାନରେ ସାହାଯ୍ୟ କରିବା ସହ ପାଠ ପଢାପଢି କରନ୍ତି । ଦିନରେ ଦୋକାନ ଚଳାଇବା ସହ ରାତିରେ ପାଠ ପଢନ୍ତି ଭବାନୀ । ଛୋଟ ବେଳୁ ଇଂଜିନିୟର ହେବାର ଆଶା ରଖିଥିବା ଭବାନୀ ଘରର ଅର୍ଥର୍ନୈତିକ ସ୍ଥିତି ଭଲ ନଥିବାରୁ ବହୁ କଷ୍ଟରେ ପାଠ ପଢନ୍ତି । ଅନେକ ଦୁଃଖ କଷ୍ଟ ସହି ସେ ଆଜି ସଫଳତା ପାଇଛନ୍ତି । ତେବେ ଭବାନୀଙ୍କ ଉଚ୍ଚ ଶିକ୍ଷା ପାଇଁ ଅର୍ଥ ବାଧକ ସାଜିଥିବା ବେଳେ ତାଙ୍କ ବାପା ମା ସରକାରଙ୍କୁ ସହାୟତା ପାଇଁ ନିବେଦନ କରିଛନ୍ତି ।