କନକ ବ୍ୟୁରୋ : ମରଣଯନ୍ତା ପାଲଟିଛି କେନ୍ଦୁଝର ଜିଲା ଆନନ୍ଦପୁର ପୌରାଚଂଳର ୧ ଓ ୨ନମ୍ବର ୱାର୍ଡ଼ ରାସ୍ତାଘାଟ । ବର୍ଷାଜଳ ନିଷ୍କାସନ ପାଇଁ ଉପଯୁକ୍ତ ବ୍ୟବସ୍ଥା ନଥିବାରୁ ସହରର ପ୍ରମୁଖ ରାସ୍ତା ଗୁଡ଼ିକରେ ଆଣ୍ଠୁଏ ଲେଖାଏଁ ପାଣି ଜମୁଛି । ଏହାକୁ ନେଇ ଲୋକେ ନାହି ନଥିବା ଅସୁବିଧାର ସମ୍ମୁଖୀନ ହେଉଥିବା ବେଳେ ନୀରବଦ୍ରଷ୍ଟା ସାଜିଛି ପୌର ପ୍ରଶାସନ । ଅସରାଏ ବର୍ଷାରେ ଜମୁଛି ପାଣି । ଏହେଉଛି କେନ୍ଦୁଝର ଜିଲ୍ଲା ଆନନ୍ଦପୁର ପୌରାଚଂଳ ୧ ନମ୍ବର ଓ ୨ନମ୍ବର ୱାର୍ଡ଼ର ରାସ୍ତା । ବର୍ଷା ଜଳ ନିଷ୍କାସନ ପାଇଁ
Kanak News is now on WhatsApp
Join and get latest news updates delivered to you via WhatsApp
ବ୍ୟବସ୍ଥା ନଥିବାରୁ ରାସ୍ତା ଉପରେ ପାଣି ଜମି କ୍ରୁତିମ ନାଳ ସୃଷ୍ଟି ହେଲାଣି । ୪ଟି ପଚାୟତକୁ ସଂଯୋଗ କରୁଥିବା ଏହା ଏକମାତ୍ର ରାସ୍ତା ହୋଇଥିବାରୁ ଏହି ରାସ୍ତା ଦେଇ ପ୍ରତିଦିନ ବହୁ ଗାଡ଼ି ମୋଟର ଚଳାଚଳ ହୋଇଥାଏ । କିନ୍ତୁ ଉପଯୁକ୍ତ ଡ୍ରେନେଜ ବ୍ୟବସ୍ଥା ନଥିବାରୁ ରାସ୍ତା ଉପରେ ପାଣି ଜମୁଥିବାରୁ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇକ୍ତି ।
ଟିକିଏ ବର୍ଷା ହେଲେ ବିଭିନ୍ନ ୱାର୍ଡ଼ରେ ଲୋକଙ୍କ ଘରେ ମଧ୍ୟ ପାଣି ପଶୁଛି । ଦୀର୍ଘଦିନ ହେବ ପୌରାଚଂଳ ରାସ୍ତା ଗୁଡ଼ିକ ଶୋଚନୀୟ ହୋଇ ପଡ଼ିଥିବା ବେଳେ ସମସ୍ୟାର ସମାଧାନ ପାଇଁ କୌଣସି ପଦକ୍ଷେପ ନିଆଯାଉନାହିଁ । ଅପରପକ୍ଷେ ଡ୍ରେନେଜ ବ୍ୟବସ୍ଥା ସହ କେତେକ ରାସ୍ତାର ପୁନଃ ନିର୍ମାଣ ଖୁବଶୀଘ୍ରହୋଇଯିବ ବୋଲି କହିଛନ୍ତି ପୌର କର୍ତ୍ତୃପକ୍ଷ । ବର୍ଷାରୁତୁ ହୋଇଥିବାରୁ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି । ତୁରନ୍ତ ଏହାର ପୁନଃ ନିର୍ମାଣ ଓ ଡ୍ରେନେଜ ବ୍ୟବସ୍ଥା ପାଇଁ ସାଧାରଣରେ ଦାବି ହେଉଛି ।