ବ୍ୟାଙ୍କ ଖାତାକୁ କେବେ ଆସିବ ୧୫ ଲକ୍ଷ, ଜାଣନ୍ତୁ ପ୍ରଧାନମନ୍ତ୍ରୀଙ୍କ ଅଫିସ୍ କ’ଣ ରଖିଲା ଉତ୍ତର । ଦେଶ ବିଦେଶସ୍ପେଶାଲ୍ ରିପୋର୍ଟ By Sibani Panda On Apr 25, 2018 - 10:32 AM Last updated Apr 26, 2018 - 8:08 AM 97 Share Kanak News is now on WhatsApp Join and get latest news updates delivered to you via WhatsApp Join Now ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ କହିବାନୁସାରେ ମୋଦିଙ୍କ ୧୫ ଲକ୍ଷ ଟଙ୍କା ଗରିବଙ୍କ ଖାତାରେ ଦେବା ତାରିଖ ସୁଚନା ଅଧିକାର ଆଇନର ବର୍ହିଭୁତ ତଥ୍ୟ । ଏହି ତଥ୍ୟ ବିଷୟରେ କୌଣସି ତଥ୍ୟ ଦିଆଯାଇପାରିବ ନାହିଁ । ପିଏମଓ କେନ୍ଦ୍ରୀୟ ସୁଚନା ଆୟୋଗକୁ ଏହା ଉପରେ ଅଧିକ ଜାନକାରୀ ଦେଇଛନ୍ତି । ଏହି ମାମାଲା ଏକ ଆରଟିଆଇ ଚିଠା ସହ ଜଡିତ ହୋଇ ରହିଛି । ଖାତାରେ ଟଙ୍କା ଆସିବାକୁ ନେଇ ଜଣେ ବ୍ୟକ୍ତିି ପ୍ରଶ୍ନ କରିବାରୁ ଏହି ଘଟଣା କେନ୍ଦ୍ରୀୟ ସୁଚନା ଆୟୋଗ ଅଧିନକୁ ଯାଇଥିଲା । ଯାହାଙ୍କୁ ଏ ବିଷୟରେ ସବୁ ତଥ୍ୟ ମଧ୍ୟ ଦିଆଯାଇଥିଲା । ଏହି ତଥ୍ୟକୁ ଅଧିକ ଜାଣିବା ପାଇଁ ଧାରା ୨(ଏଫ୍)କୁ ଦେଖିବା ପାଇଁ କେନ୍ଦ୍ରୀୟ ସୁଚନା ଆୟୋଗ ସୁଚାଇଦେଇଛି । କ’ଣ ଏହି ଧାରା ୨(ଏଫ୍) ? ଆରଟିଆଇର ଏହି ଧାରା ମୁତାବକ ସୁଚନାର ଅର୍ଥ ହେଉଛି ଇ-ମେଲ, ରେକର୍ଡ, ଦସ୍ତାବିଜ, ମେମୋ, ପ୍ରେସ୍ ବିଜ୍ଞପ୍ତି, ଡାଟା, ଅନୁବନ୍ଧ, ଅର୍ଡର ଇତ୍ୟାଦି ଯାହା ଇଲେକ୍ଟ୍ରୋନିକ ବା କୌଣସି ଉପାୟରେ ମହଜୁଦ ଥିବ ଏବଂ ଯାହାକୁ ଲୋକ ସହଜରେ ବ୍ୟବହାର କରୁଥିବେ । ଲୋକସଭା ନିର୍ବାଚନ ସମୟରେ ମୋଦି ୧୫ ଲକ୍ଷ ଟଙ୍କାର କଥା ଉଠାଇଥିଲେ । ୨୦୧୪ ମସହାରେ ଲୋକସଭା ନିର୍ବାଚନ ସମୟରେ ଏକ ର୍ୟାଲିରେ କହିଥିଲେ “ ଆମର ଚୋରି ହୋଇଥିବା ଟଙ୍କା ଫେରସ୍ତ ହେବା ଦରକାର କି ନାହିଁ ? କ’ଣ କଳାଧନ ଫେରସ୍ତ ଆସିବାନି ? ଚୋର,ଡକାୟତଙ୍କଠାରୁ ଗୋଟିଏ ଗୋଟିଏ ଟଙ୍କା ଲେଉଟି ଆସିବା ଦରକାର କି ନାହିଁ ? ଏହି ଟଙ୍କା ଉପରେ ଜନତାଙ୍କ ହକ୍ ରହିଛି କି ନାହିଁ ? ଏହି ଚୋର,ଡକାୟତଙ୍କ କଳାଧନ ବିଦେଶୀ ବ୍ୟାଙ୍କରେ ଯେଉଁ ପଡିରହିଛି ତାକୁ ଯଦି ଭାରତ ନେଇ ଆସିବା ତେବେ ଦେଶର ଗରିବ ଲୋକଙ୍କ ଆକାଉଣ୍ଟକୁ ଏମିତିରେ ୧୫-୨୦ ଲକ୍ଷ ଟଙ୍କା ମିଳିଯିବ ।”୨୦୧୬ ଡିସେମ୍ବର ମାସରେ ପ୍ରଧାନମନ୍ତ୍ରୀ କହିଥିଲେ, ଜନଧନ ଖାତାରେ ଯେଉଁମାନେ ଅଧିକ ପଇସା ଲଗାଇଛନ୍ତି ସେମାନଙ୍କ ଟଙ୍କାକୁ ଗରିବଙ୍କ ମଧ୍ୟରେ ବଣ୍ଟାଯିବ । ଦ୍ୱିତୀୟବାର ଖାତାରେ ଟଙ୍କା ଆସିବା କଥା ମୋଦି ନୋଟବନ୍ଦୀ ସମୟରେ କହିଥିଲେ । ମୁରାଦବାଦଠାରେ ହୋଇଥିବା ଏକ ର୍ୟାଲିରେ ମୋଦି କହିଥିଲେ, “ମୁଁ ଭାବୁଛି ଗରିବର ଖାତାରେ ଯେଉଁମାନେ ଟଙ୍କା ଡିପୋଜିଟ୍ କରିଛନ୍ତି ସେମାନେ ଜେଲ୍ ଯିବେ ଏବଂ ଏହି ଟଙ୍କା ଗରିବର ଘରକୁ ଯିବ । କିନ୍ତୁ ଯିଏ ବି ଏହି ଟଙ୍କା ଗରିବ ଲୋକର ଜନଧନ ଖାତାରେ ଡିପୋଜିଟ୍ କରିଛନ୍ତି ଏହି ଟଙ୍କାକୁ ନ ଉଠାଇବାକୁ ସମସ୍ତଙ୍କୁ ଅନୁରୋଧ ।” ସେତେବେଳେ ମୋଦିଙ୍କ କଥାରେ ଦମ୍ ଥିଲା ଭଳି ଲାଗୁଥିଲା କାରଣ ନୋଟବନ୍ଦୀ ପରେ ୨୫ କୋଟି ଜନଧନ ଖାତାକୁ ୨୧ ହଜାର କୋଟି ଟଙ୍କା ଜମା ହୋଇ ଯାଇଥିଲା । ୨୦୧୫ ଫେବୃୟାରୀ ମାସରେ ଅମିତ ଶାହ ଏହି କଥାରେ କହିଥିଲେ “ ସବୁ ପରିବାରର ଖାତାରେ ୧୫ ଲକ୍ଷ ଟଙ୍କା ଜମା କରିବା କଥା ଅର୍ଥହୀନ । ଭାଷଣକୁ ଲୋକମାନଙ୍କ ପାଖରେ ପହଞ୍ଚାଇବା ପାଇଁ ଏହା ଏକ ପ୍ରୟାସ ମାତ୍ର ଥିଲା । 97 Share FacebookTwitterGoogle+WhatsAppTelegramEmailPrint