କେନ୍ଦ୍ରାପଡା ଜିଲ୍ଲା ବଣିକ ସଂଘ ପକ୍ଷରୁ ୧୨ ଘଣ୍ଟିଆ ବନ୍ଦ ଡାକରା । ବ୍ୟବସାୟୀଙ୍କୁ ଗୁଳି କରିବା ଘଟଣା ଓ ଅପରାଧୀକୁ ଗିରଫ ନକରିବା ପ୍ରତିବାଦରେ ବନ୍ଦ ଡାକରା
କଟକ-ଚାନ୍ଦବାଲି ରାସ୍ତାର ତିନିମୁହାଣି ଛକରେ ରାସ୍ତାରୋକ
କନକ ବ୍ୟୁରୋ: ଆଜି କେନ୍ଦ୍ରାପଡା ବନ୍ଦ । ବ୍ୟବସାୟୀଙ୍କୁ ଗୁଳିମାଡ କରିବା ଓ ଅଭିଯୁକ୍ତକୁ ଗିରଫ କରାନିଯିବା ପ୍ରତିବାଦରେ ୧୨ଘଂଟିଆ ବନ୍ଦ ଡାକରା ଦେଇଛି ବଣିକ ସଂଘ । ସକାଳୁ ସକାଳୁ ତିନି ମୁହାଣି ଛକରେ କଟକ-ଚାନ୍ଦବାଲି ବ୍ୟବସାୟୀ ସଂଘ ପକ୍ଷରୁ ରାସ୍ତା ରୋକ୍ କରାଯାଇଛି । ଶନିବାର ରାତିରେ ତିନି ମୁହାଣି ବ୍ୟବସାୟୀ ସଂଘର ସଭାପତି ବିବେକାନନ୍ଦ ମହାରଣାଙ୍କ ଉପରକୁ ଗୁଳିମାଡ କରିଥିଲେ ଦୁର୍ବୃତ୍ତ । ଏହାର ପ୍ରତିବାଦରେ ରବିବାର ରାସ୍ତାରୋକ୍ କରିବା ସହ ତୁରନ୍ତ ଅଭିଯୁକ୍ତଙ୍କୁ ଗିରଫ କରିବାକୁ ଦାବି କରିଥିଲେ । କିନ୍ତୁ ଏପର୍ଯ୍ୟନ୍ତ ଅଭିଯୁକ୍ତଙ୍କୁ ପୋଲିସ ଧରିବାରେ ବିଫଳ ହେବାରୁ ଆଜି କେନ୍ଦ୍ରାପଡା ବନ୍ଦ ଡାକରା ଦେଇଛି ବ୍ୟବସାୟୀ ସଂଘ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବାବୁଲିଙ୍କୁ ଦଣ୍ଡାମୁଣ୍ଡ ଛକରେ ୨ଜଣ ଦୁର୍ବୃତ୍ତ ଗୁଳିମାଡ଼ କରି ଫେରାର ହୋଇଯିବା ପରେ ଜିଲ୍ଲାରେ ଆଇନଶୃଙ୍ଖଳା ପରିସ୍ଥିତି ବିଗିଡିଯାଇଛି। ଯାହାକୁ ନେଇ ରବିବାର ସହରର ଗରାପୁର,ଦଣ୍ଡାମୁଣ୍ଡ ଛକ, ତିନମୁହାଣି, ଦୁହିରିଆସ୍ଥିତ ଜାତୀୟ ଓ ରାଜ୍ୟ ରାଜପଥଠାରେ ରାସ୍ତାରୋକୋ ହେବାସହ ସହରର ପ୍ରବେଶ ସ୍ଥାନଗୁଡିକରେ ଟାୟାର ଜାଳି ରାସ୍ତାରୋକୋ କରାଯାଇଥିଲା। ଜିଲ୍ଲା ପୋଲିସ ପକ୍ଷରୁ ଶାନ୍ତିଶୃଙ୍ଖଳା ରକ୍ଷା ପାଇଁ ବ୍ୟାପକ ବ୍ୟବସ୍ଥା କରାଯାଇଥିଲେ ମଧ୍ୟ ଉତ୍ତେଜନା ପୂର୍ଣ୍ଣ ସ୍ଥିତି ଏବେବି ଜାରିରହିଛି ।