କନକ ବ୍ୟୁରୋ : କେନ୍ଦ୍ରାପଡ଼ା କଲେଜରେ ଦୁଇ ଛାତ୍ର ଗୋଷ୍ଠୀଙ୍କ ମଧ୍ୟରେ ସଂଘର୍ଷ । ଆଜି କେନ୍ଦ୍ରାପଡା ବିଧାୟକ କିଶୋର ଚନ୍ଦ୍ର ତରାଇ କଲେଜରେ ଏକ ନିର୍ମାଣ ଫଳକ ଉନ୍ମୋଚନ କରିବାର କାର୍ଯ୍ୟକ୍ରମ ଥିଲା । ଏହାକୁ ବିରୋଧ କରି କଲେଜର ମୁଖ୍ୟ ଫାଟକରେ ତାଲା ପକାଇଥିଲେ ଏବିଭିପି ସମର୍ଥକ ଛାତ୍ରଛାତ୍ରୀମାନେ।
Kanak News is now on WhatsApp
Join and get latest news updates delivered to you via WhatsApp
କଲେଜରେ ବିଧାୟକଙ୍କ ଯୋଗଦେବାକୁ କେନ୍ଦ୍ର କରି ଆଜି ଦୁଇ ଛାତ୍ର ଗୋଷ୍ଠୀଙ୍କ ମଧ୍ୟରେ ଧସ୍ତାଧସ୍ତି ହୋଇଛି । ଏହାପରେ ବିଜେଡ଼ି ସମର୍ଥକ ଛାତ୍ର ଓ ବିଦ୍ୟାର୍ଥୀ ପରିଷଦ ଛାତ୍ରଙ୍କ ଭିତରେ ଧସ୍ତାଧସ୍ତି ହୋଇଥିଲା । ବିଜେଡି ସମର୍ଥିତ ଛାତ୍ରମାନେ ଜୋର ଜବରଦସ୍ତ ଫାଟକ ଖୋଲି ଦେଇଥିଲେ । ଏହାର କିଛି ସମୟ ପରେ ବିଧାୟକ କିଶୋର ଚନ୍ଦ୍ର ତରାଇ ବିଜେଡି କର୍ମୀମାନଙ୍କ ସହ କଲେଜ ପରିସରକୁ ଆସିଥିଲେ ।
ଏହି ସମୟରେ ବିଦ୍ୟାର୍ଥୀ ପରିଷଦର ଛାତ୍ର ଓ କଂଗ୍ରେସ ଛାତ୍ରମାନେ କିଶୋରଙ୍କ କାର୍ ସମ୍ମୁଖରେ ସ୍ଲୋଗାନ୍ ଦେବା ସହିତ କଲେଜ ପରିସରରେ ରାଜନୀତି ନ କରିବାକୁ ଚେତାବନୀ ଦେଇଥିଲେ । ପ୍ରତିବାଦ ଏତେ ଅଧିକ ହୋଇଥିଲା ଯେ, ବିଧାୟକ କିଶୋର ତରାଇ କଲେଜର ପଛ ଫାଟକ ଦେଇ ବାହାରକୁ ଚାଲିଯାଇଥିଲେ ।
ଏହା ସହ ଦେଖନ୍ତୁ ଏହି ଭିଡିଓ –