ବନ୍ଦ ହେବ ବିଗ୍ ବି’ଙ୍କ ‘କୌନ ବନେଗା କରୋଡପତି’ ସୋ !
କନକ ବ୍ୟୁରୋ : ଟିଭି ପରଦାର ଲୋକପ୍ରିୟ ସୋ କୌନ୍ ବନେଗା କରୋଡପତିର ୧୧ତମ ସିଜିନ୍ ଆଉ ମାତ୍ର ୪ ଦିନ ପରେ ବନ୍ଦ ହେବାକୁ ଯାଉଛି । ୧୩ ସପ୍ତାହ ଧରି ଚାଲିଥିବା ଏହି ଯାତ୍ରାରେ କେବିସି ଦର୍ଶକମାନଙ୍କର ମନୋରଞ୍ଜନ କରିବା ସହ ଜ୍ଞାନବୃଦ୍ଧି ମଧ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସୋ ଆରମ୍ଭ ହେବା ପୂର୍ବରୁ କେବିସିର ହୋଷ୍ଟ ଅମିତାଭ ବଚ୍ଚନ ଆରମ୍ଭରୁ ହିଁ ସୂଚନା ଦେଇଥିଲେ ଯେ, ଏଥର କେବିସିର ଯାତ୍ରା ୧୩ ସପ୍ତାହ ଚାଲିବ, ଏବଂ ଏଥିରେ ମୋଟ୍ ୬୫ଟି ଏପିସୋଡ୍୍ ରହିବ । ତେବେ ଏଥର ସୋରେ ସପ୍ତାହକୁ ୪ ଦିନ ପ୍ରତିଯୋଗୀମାନେ ନିଜ ପ୍ରତିଭାର ଜଲୱା ଦେଖାଇଛନ୍ତି । ଏବଂ ଶୁକ୍ରବାର କର୍ମବୀର ଏପିସୋଡ ପାଇଁ ରିଜର୍ଭ ରହିଥିଲା । ଆଉ ଏଥିରେ ରିୟଲ ଲାଇଫ୍ ହିରୋମାନେ ପ୍ରଶ୍ନର ଉତ୍ତର ଦେଉଥିବାର ନଜର ଆସିଥିଲେ ।
ଏଥର କେବିସିରେ ୭ କୋଟି ଟଙ୍କାର ପୁରସ୍କାର ରାଶି ରଖାଯାଇଥିଲା । ଯେଉଁଥିପାଇଁ ପ୍ରତିଯୋଗୀମାନଙ୍କୁ ୧୬ଟି ପ୍ରଶ୍ନର ସଠିକ୍ ଉତ୍ତର ଦେବା ପାଇଁ ଥିଲା । କିନ୍ତୁ ଏପର୍ଯ୍ୟନ୍ତ ୭ କୋଟି ଟଙ୍କା ପାଖରେ କୌଣସି ବି ପ୍ରତିଯୋଗୀ ପହଞ୍ଚିପାରିନାହାନ୍ତି । ମାତ୍ର ୪ ଜଣ ପ୍ରତିଯୋଗୀ, ୧ କୋଟି ଟଙ୍କା ଜିତିବାରେ ସଫଳ ହୋଇଛନ୍ତି ।