ରଣବୀର-ଆଲିଆଙ୍କ ସଂପର୍କକୁ ସହଜରେ ଗ୍ରହଣ କରିପାରୁନାହାନ୍ତି କ୍ୟାଟ୍ରିନା ! ସୋସିଆଲ୍ ମିଡିଆରେ ଲେଖିଲେ ଏଭଳି କିଛି ପୋଷ୍ଟ୍ ।
କିଛି ଦିନ ତଳୁ ବଲିଉଡ଼୍ ଅଭିନେତା ରଣବୀର କପୁର ଏବଂ ଆଲିଆ ଭଟ୍ଟଙ୍କ ମଧ୍ୟରେ ଥିବା ସଂପର୍କକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଦୁହେଁ ଦୁହିଁଙ୍କୁ କୁଆଡ଼େ ଡ଼େଟ୍ କରୁଛନ୍ତି ବୋଲି ଏବେ ସବୁଆଡ଼େ ଆଲୋଚନା। ଏ ନେଇ ଉଭୟ ରଣବୀର ଏବଂ ଆଲିଆ କିଛି ସ୍ପଷ୍ଟ କରି ନ ଥିବା ବେଳେ ରଣବୀରଙ୍କ ପୂର୍ବତନ ପ୍ରେମିକା କ୍ୟାଟ୍ରିନା କୈଫ୍ ଦୁହିଁଙ୍କ ସଂପର୍କର ଖବର ଶୁଣି ଖୁସି ନ ଥିବା ଜଣାପଡ଼ିଛି । କିଛି ବର୍ଷ ପୂର୍ବେ ରଣବୀର ଏବଂ କ୍ୟାଟ୍ରିନାଙ୍କ ବ୍ରେକ୍ଅପ୍ ହୋଇଥିଲା । ବ୍ରେକ୍ଅପ୍ ପର ଠାରୁ ରଣବୀରଙ୍କ ନାମ ଆଉ କାହା ସହ ଯୋଡ଼ା ହୋଇ ନଥିବା ବେଳେ ଆଲିଆଙ୍କୁ ନେଇ ପ୍ରଥମ ଥର ପାଇଁ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଚର୍ଚ୍ଚା ଶୁଣି ସୋସିଆଲ ମିଡ଼ିଆରେ କ୍ୟାଟ୍ରିନା କିଛି ଏପରି ଲେଖି ଦେଇଛନ୍ତି, ଯାହାକୁ ଦେଖିବା ପରେ ରଣବୀର ଏବଂ ଆଲିଆଙ୍କ ସଂପର୍କକୁ ନେଇ ସେ ଇର୍ଷା କରୁଥିବା ଜଣାପଡ଼ିଛି । ରଣବୀର ଏବଂ ଆଲିଆଙ୍କ ସଂପର୍କକୁ ନେଇ ଅନେକ ଲୋକ ଅନେକ କଥା କହୁଥିବା ବେଳେ କ୍ୟାଟ୍ରିନା ଏ ନେଇ କିଛି ଭିନ୍ନ ମତ ରଖିଛନ୍ତି । ‘ମୁଁ ସେତେବେଳେ ବିଶ୍ୱାସ କରିବି ଯେତେବେଳେ ଦେଖିବି, ଯେତେବେଳେ ଦେଖିବି ସେତେବେଳେ ବିଶ୍ୱାସ କରିବି’ ବୋଲି ଲେଖି ସେ ପୋଷ୍ଟ କରିଛନ୍ତି । କ୍ୟାଟ୍ରିନାଙ୍କ ଏହି ପୋଷ୍ଟ ପରେ ସେ ଦୁହିଁଙ୍କ ସଂପର୍କର ଖବରକୁ ସହଜରେ ଗ୍ରହଣ କରି ପାରୁ ନଥିବା ଜଣାପଡ଼ିଛି ।