କାଠଯୋଡ଼ି ଷ୍ଟେସନରେ ରେଳ ଦୁର୍ଘଟଣାର ହେବ ତଦନ୍ତ : ସୁରକ୍ଷା କମିଶନରଙ୍କ ତତ୍ୱାବଧାନରେ ହେବ ଛାନଭିନ
କଟକ ବ୍ୟୁରୋ, କନକ ନ୍ୟୁଜ୍ : କାଠଯୋଡି ଷ୍ଟେସନରେ ରେଳ ଦୁର୍ଘଟଣାର ଆସନ୍ତା ୩ ତାରିଖରୁ ହେବ ତଦନ୍ତ । ଏହି ତଦନ୍ତ କରିବେ ଦକ୍ଷିଣ-ପୂର୍ବ ସର୍କଲର ରେଲବାଇ ସୁରକ୍ଷା କମିଶନର । ଦିନ ୧୦ଟାରେ ସେ ଘଟଣାସ୍ଥଳରେ ତଦନ୍ତ କରିବା ପରେ ଇଷ୍ଟକୋଷ୍ଟ ମୁଖ୍ୟ କାର୍ଯ୍ୟାଳୟରେ ଅପରାହ୍ନରେ ବିଭିନ୍ନ କର୍ମଚାରୀ ଓ ଅଧିକାରୀଙ୍କ ସହ ଆଲୋଚନା କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ସାଧାରଣ ଲୋକେ ମଧ୍ୟ ଦୁର୍ଘଟଣା ନେଇ ତଥ୍ୟ ପ୍ରମାଣ ତଦନ୍ତ କମିଶନଙ୍କୁ ଦେଇପାରିବେ। ଏପରିକି ସେମାନେ କୋଲକାତା କାର୍ଯ୍ୟାଳୟକୁ ମଧ୍ୟ ଲିଖିତ ଭାବେ ଜଣାଇପାରିବେ ବୋଲି ରେଲବାଇ ପକ୍ଷରୁ କୁହାଯାଇଛି ।
ଗୁରୁବାର ସଂଧ୍ୟା ପ୍ରାୟ ସାଢେ ୬ଟା ବେଳେ କାଠଯୋଡି ଷ୍ଟେସନରେ ଠିଆ ହୋଇଥିବା ମାଲବାହୀ ଟ୍ରେନକୁ ପଛପଟୁ ଧକ୍କା ଦେଇଥିଲା ଭୁବନେଶ୍ୱର- ଭଦ୍ରକ ଡିଏମୟୁ। ଏଥିରେ ଦୁଇ ଜଣଙ୍କ ମୃତ୍ୟୁ ଘଟିଥିଲା । ଏହି ଦୁର୍ଘଟଣା ପରେ ୪ ଜଣ କର୍ମଚାରୀଙ୍କୁ କାର୍ଯ୍ୟରେ ଅବହେଳା ଦର୍ଶାଇ ନିଲମ୍ବିତ କରିଥିଲା ରେଳବାଇ ।