ଶେଷ ହେଲା ମାସକର କାର୍ତିକ ବ୍ରତ । ଶ୍ରୀକ୍ଷେତ୍ରରୁ ହବିଷ୍ୟାଳୀଙ୍କ ଘରବାହୁଡା , ଆଶ୍ରୟ ସ୍ଥଳରୁ ବିଚ୍ଛେଦ ବେଳେ ଭାବବିହ୍ୱଳ ପରିବେଶ
କନକ ବ୍ୟୁରୋ: ମାସକର କାର୍ତିକ ବ୍ରତ ପରେ ପୁରୀ ଛାଡିଛନ୍ତି ହବିଷ୍ୟାଳି । ରାଜ୍ୟରେ କୋଣ ଅନୁକୋଣରୁ କାର୍ତିକ ବ୍ରତ କରିବାକୁ ଶ୍ରୀ କ୍ଷେତ୍ରକୁ ଆସିଥିଲେ ପ୍ରାୟ ୨୫ ଶହରୁ ଅଧିକ ବ୍ରତଧାରୀ । ଏକ ଆଧ୍ୟାତ୍ମିକ ବାତାବରଣରେ ରାଧା ଦାମୋଦରଙ୍କ ଦର୍ଶନ ସହିତ ମହିଳା ବ୍ରତଧାରୀ ରଖୁଥିଲେ କାର୍ତିକ ବ୍ରତ । କାର୍ତିକ ପୂର୍ଣ୍ଣମାରେ ଏହି ବ୍ରତ ଶେଷ ହେବା ପରେ ପୁଣି ଥରେ ଘର ବାହୁଡା ହୋଇଛନ୍ତି ହବିଷ୍ୟାଳୀ ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ମାସଟିଏ ଧରି ଘର ଠାରୁ ବାହାରେ ରହି ଥିଲେ ମଧ୍ୟ ଅନେକଙ୍କ ମଧ୍ୟରେ ଏକ ଭାବଗତ ସଂପର୍କ ଯୋଡି ହୋଇଯାଇଥିଲା । କିନ୍ତୁ ଏବେ ଏଥିରେ ବିଛେଦ ଘଟିଛି । ପରଷ୍ପରଠାରୁ ଅଲଗା ହୋଇ ପୁଣି ଘରକୁ ବାହୁଡୁଛନ୍ତି ହବିଷ୍ୟାଳି । ତେବେ ରାଜ୍ୟ ସରକାର ହବିଷ୍ୟାଳୀ ଆଶ୍ରୟ ସ୍ଥଳରେ କରିଥିବା ସମସ୍ତ ବ୍ୟବସ୍ଥା ପ୍ରତି ସନ୍ତୋଷ ପ୍ରକାଶ କରିଛନ୍ତି ସମସ୍ତେ ।