ସରକାର ଗଢ଼ିବା ପାଇଁ କର୍ଣ୍ଣାଟକରେ ଉଡ଼ୁଛି ଟଙ୍କା ! ବିଧାୟକଙ୍କୁ ୧୦୦ କୋଟି ଲେଖାଏଁ ଅଫର ଦେଉଛି ବିଜେପି, ଅଭିଯୋଗ ଆଣିଲେ କୁମାରସ୍ୱାମୀ
କର୍ଣ୍ଣାଟକରେ କିଏ ଗଢ଼ିବ ସରକାର । କେଉଁ ଦଳ ମୁଣ୍ଡରେ ହାତୀ ଢ଼ାଳିବ ସୁନାକଳସ । ଏଭଳି ଅନେକ ଅସମାହିତ ପ୍ରଶ୍ନ ଗତକାଲିଠାରୁ ଲାଗି ରହିଛି । ଉଭୟ ବିଜେପି ଓ ଜେଡ଼ିଏସ-କଂଗ୍ରେସ ମେଣ୍ଟ ସରକାର ଗଢ଼ିବା ପାଇଁ ରାଜ୍ୟପାଳଙ୍କ ନିକଟରେ ଦାବି କରିଛନ୍ତି । କିନ୍ତୁ ଏସବୁ ଭିତରେ ଏକ ସାଂଘାତିକ କଥା ସାମ୍ନାକୁ ଆସିଛି । ଯାହା କର୍ଣ୍ଣାଟକ ରାଜନୀତିକୁ ନୂଆ ମୋଡ଼ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସରକାର ଗଠନ ପାଇଁ ଚାଲିଥିବା ଅଙ୍କକଷା ମଧ୍ୟ ବିଜେପିକୁ ନେଇ ବଡ ଅଭିଯୋଗ ଆଣିଛନ୍ତି ଜେଡିଏସ୍ ବିଧାୟକ ଦଳ ନେତା କୁମାରସ୍ୱାମୀ । ଜେଡିଏସ ବିଧାୟକଙ୍କୁ କିଣିବା ପାଇଁ ବିଜେପି ୧୦୦କୋଟି ଟଙ୍କା ଓ କ୍ୟାବିନେଟ ପାହ୍ୟା ଯାଚିଛି ବୋଲି କୁମାରସ୍ୱାମୀ କହିଛନ୍ତି । ଏହାସହ ବିଜେପି ବିଧାୟକ ମଧ୍ୟ ଅଛନ୍ତି ଯେଉଁମାନେ ଦଳ ଛାଡି ଜେଡିଏସକୁ ଆସିବା ପାଇଁ ଆଗ୍ରହୀ । ଏବଂ ଯଦି ବିଜେପି, ଜେଡିଏସର ଜଣେ ବିଧାୟକଙ୍କୁ ନିଜ ଆଡକୁ ନିଏ ତେବେ ଜେଡିଏସ ଦୁଇ ଜଣ ବିଧାୟକଙ୍କୁ ଟାଣିବ ବୋଲି କୁମାରସ୍ୱାମୀ କହିଛନ୍ତି ।