୧୦୦କୋଟି କ୍ଲବରେ କପିଲ୍ ଶର୍ମା ! ବଲିଉଡଠାରୁ ଟପି ଗଲା ଟିଭି କଳାକାରଙ୍କ ଆୟ
୧୦୦କୋଟି କ୍ଲବରେ ସାମିଲ୍ ହୋଇଛନ୍ତି ଲୋକପ୍ରିୟ କମେଡିଆନ୍ କପିଲ୍ ଶର୍ମା । କପିଲଙ୍କ ଏହି ସଫଳତା କୌଣସି ଫିଲ୍ମ ପାଇଁ ନୁହେଁ ନିଜ ଟିଭି ପ୍ରୋଗ୍ରାମ୍ ‘ଦ କପିଲ୍ ଶର୍ମା ସୋ’ ପାଇଁ ପାଇଛନ୍ତି । ସୋନୀ ଏଣ୍ଟରଟେନମେଂଟ ଚ୍ୟାନେଲ୍ ସୋନି ସହ ବାର୍ଷିକ ୧୧୦କୋଟିର ଚୁକ୍ତି ସ୍ୱାକ୍ଷର କରିବା ପରେ କପିଲ ଶର୍ମା ହୋଇଛନ୍ତି ଏବେ ଦେଶର ସବୁଠାରୁ ବଡ ଟେଲିଭିଜନ ତାରକା ।
Kanak News is now on WhatsApp
Join and get latest news updates delivered to you via WhatsApp
ସୋନୀ ସହ ଚୁକ୍ତି ପରେ ସେ ଏବେ ସୋର ପ୍ରତ୍ୟେକ ଏପିସୋଡ ପାଇଁ ୬୦ ରୁ ୮୦ ଲକ୍ଷ ଟଙ୍କା ନେବେ ବୋଲି ଜଣାପଡିଛି । ଏହାସହ ସେ କେବଳ ଯେ ଟେଲିଭିଜନ ଦୁନିଆରେ ତା ନୁହେଁ ବଲିଉଡରେ ମଧ୍ୟ ସବୁଠାରୁ ଅଧିକ ଆୟ କରୁଥିବା ତାରକା ମାନଙ୍କ ମଧ୍ୟରେ ଗଣାହେବେ ।
ଷ୍ଟାଣ୍ଡ୍ ଅପ୍ କମେଡିଆନରୁ କ୍ୟାରିୟର୍ ଆରମ୍ଭ କରିଥିବା କପିଲ୍ ଶର୍ମା ଏବେ ଲୋକପ୍ରିୟତାର ଶୀର୍ଷରେ ଅଛନ୍ତି । କଲର୍ସ ଛାଡି ଆସିବା ପରେ କପିଲଙ୍କ ଲୋକପ୍ରିୟତା ସୋନୀ ଚ୍ୟାନେଲ ପାଇଁ ବହୁତ ଲାଭପ୍ରଦ ସାବ୍ୟସ୍ତ୍ୟ ହୋଇଥିଲା । କପିଲଙ୍କ ପାଇଁ ଦର୍ଶକ ସୋନି ଚ୍ୟାନେଲ୍ ଆଡକୁ ଅଧିକ ଆକର୍ଷିତ ହେଉଥିବାର ବୋଲି ଜଣାପଡିଛି ।