ନିର୍ଦ୍ଧେଶିକା ସାଜିଲେ କଙ୍ଗନା ରଣାୱତ୍ ! ମଣିକର୍ଣ୍ଣିକା ସିନେମାରୁ ବାଦ୍ ପଡିଲେ ଅଭିନେତା ସୋନୁ ସୁଦ୍।
ଅଭିନୟ କରୁ କରୁ ଏବେ ନିର୍ଦ୍ଦେଶିକା ହୋଇଯାଇଛନ୍ତି ବଲିଉଡ୍ କୁଇନ୍ କଙ୍ଗନା ରଣାୱତ । ଚଳଚ୍ଚିତ୍ର ମଣିକର୍ଣ୍ଣିକା ପାଇଁ ଏବେ ନିର୍ଦ୍ଦେଶିକା ସାଜିଛନ୍ତି କଙ୍ଗନା । ଫିଲ୍ମର ସୁଟିଂ ପୂର୍ବରୁ ଶେଷ ହୋଇଥିବାବେଳେ, କିଛି କିଛି ଦୃଶ୍ୟକୁ ରିସୁଟ୍ କରିବା ପାଇଁ ନିଷ୍ପତି ନେଇଥିଲେ ଫିଲ୍ମର ମେକର୍ ଓ ରାଇଟର୍ । ହେଲେ ନିର୍ଦ୍ଦେଶକ କ୍ରିସଙ୍କ ପାଖରେ ସମୟ ଅଭାବରୁ ଏହି ଦାୟିତ୍ୱ ନେଲେ କଙ୍ଗନା । ରିସୁଟ୍ ହେବାକୁ ଥିବା କିଛି ଦୃଶ୍ୟକୁ କଙ୍ଗନା ନିଜେ ଡିରେକ୍ସନ୍ ଦେବା ପାଇଁ ଅଂଟା ଭିଡିଲେ । ସୁଟିଂ ସେଟରୁ ଲିକ୍ ହୋଇଥିବା କ୍ଲାପିଂ ବୋର୍ଡର ଏକ ଫଟୋରେ ଡିରେକ୍ଟର୍ ସ୍ଥାନରେ ଦେଖିବାକୁ ମିଳିଲା କଙ୍ଗନାଙ୍କ ନାମ । ଯାହା ପ୍ରମାଣ କଲା ନିର୍ଦ୍ଦେଶିକା ସାଜିଲେ କଙ୍ଗନା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କଙ୍ଗନା ନିର୍ଦ୍ଦେଶିକା ହେବା ପରେ ଅଭିନେତା ସୋନୁ ସୁଦ୍ ଏହି ସିନେମାକୁ ହାତଛଡା କରିଥିବା ଶୁଣିବାକୁ ମିଳୁଛି । ଦୁହିଁଙ୍କ ଭିତରେ ବିବାଦ ଆରମ୍ଭ ହୋଇଥିବା ମଧ୍ୟ ଶୁଣିବାକୁ ମିଳୁଛି । କଙ୍ଗନାଙ୍କ କହିବା କଥା, ସୋନୁ ‘ସିମ୍ବା’ର ସୁଟିଂକୁ ନେଇ ବ୍ୟସ୍ତ ରହୁଛନ୍ତି ଆଉ ମଣିକର୍ଣ୍ଣିକା ପାଇଁ ସମୟ ଦେଉ ନାହାଁନ୍ତି । ଆଉ ଫିଲ୍ମରେ ସ୍ଥାନ ପାଇବାକୁ ଥିବା ସୋନୁଙ୍କ ପ୍ରତ୍ୟେକ ଦୃଶ୍ୟକୁ ରିସୁଟ୍ କରାଯାଉଛି । କାରଣ ରାଇଟର୍ ସୋନୁଙ୍କ ପର୍ଫମାନ୍ସ ରେ ଖୁସି ନାହାଁନ୍ତି। ଆଉ ସୋନୁ ଉକ୍ତ ସିନ ଗୁଡିକର ପୁନଃ ସୁଟ୍ କରିବା ପାଇଁ ସମୟ ଦେଉ ନଥିବାରୁ ତାଙ୍କ ବଦଳରେ ନୂଆ ଅଭିନେତାଙ୍କୁ ନେବାକୁ ଚିନ୍ତା କରିଛନ୍ତି ମେକର୍ । ଏତେ ସବୁ ବିବାଦ ଭିତରେ ଏବେ ଦେଖିବାକୁ ବାକି ରହିଲା, କେବେ ଶେଷ ହେଉଛି ମଣିକର୍ଣ୍ଣିକାର ସୁଟିଂ ଆଉ କେବେ ଏହି ସିନେମାଟି ପରଦାକୁ ଆସୁଛି । ଏହି ଫିଲ୍ମରେ ଅଭିନେତ୍ରୀ କଙ୍ଗନା ରଣାୱତଙ୍କୁ ରାଣି ଲକ୍ଷ୍ମିବାଇ ଚରିତ୍ରରେ ଦେଖିବାକୁ ମିଳିବ ।