ରାଜଧାନୀର ଭିଡ଼ ଭିତରର ହିରୋ, କମଳଲୋଚନ । ନିଜେ ଯାଯାବର କିନ୍ତୁ ବୁଲା କୁକୁରଙ୍କ ପାଇଁ ଦେବଦୂତ । କମଳଲୋଚନଙ୍କ ନିସ୍ୱାର୍ଥପର ସେବାକୁ ଭିଭିଏସ ଲକ୍ଷ୍ମଣଙ୍କ ସାବାସୀ
କନକ ବ୍ୟୁରୋ: ଏମାନେ ହେଉଛନ୍ତି ବାସ୍ତବ ଜୀବନରେ ଭିଡ଼ ଭିତରର ହିରୋ । କମଳ ଲୋଚନ ବଳିୟାର ସିଂ । ଭାରତର ପୂର୍ବତନ କ୍ରିକେଟର ଭିଭିଏସ ଲକ୍ଷ୍ମଣଙ୍କ ଟୁଇଟ୍ ଆସିବା ପରେ ଚର୍ଚ୍ଚାକୁ ଆସିଛନ୍ତି କମଳ ଲୋଚନ । ତାଙ୍କର କାମ ଏବେ ତାଙ୍କୁ ଆଣିଛି ଚର୍ଚ୍ଚାକୁ । କାରଣ ତାଙ୍କର କାମ କିଛି ଭିନ୍ନ ଧରଣର । କଥାରେ ଅଛି ଭୋକ ସମସ୍ତଙ୍କ ପାଇଁ ସମାନ । ମଣିଷ ପରି ପଶୁପକ୍ଷୀଙ୍କୁ ବି ଭୋକ ହୋଇଥାଏ । ତେବେ ମଣିଷକୁ ଭୋକ ହେଲେ ସେ ଖାଇବାକୁ ମାଗିଥାଏ । ହେଲେ ପଶୁ ଟିଏ କରିବ କଣ । ଆଉ ଏହି କଥାକୁ ବେଶ୍ ଭଲ ଭାବେ ହୃଦୟଙ୍ଗମ କରିପାରିଛନ୍ତି କମଳ ଲୋଚନ ବଳିୟାରସିଂ ।
Kanak News is now on WhatsApp
Join and get latest news updates delivered to you via WhatsApp
Kamala Lochan Baliarsingh from Bhubaneshwar feeds stray dogs on roads everyday.
Even if he doesn’t get to eat a grain all day, he makes sure that the dogs around him are well-fed. He has been a rag-picker all his life, does not take charity & he survives with his selflessness. pic.twitter.com/BeIRuZozfL— VVS Laxman (@VVSLaxman281) October 24, 2019
କଥା କହିପାରୁନଥିବା ପଶୁଙ୍କ ପାଇଁ ନିଜ ଜୀବନକୁ ଉତ୍ସର୍ଗ କରିଦେଇଛନ୍ତି କମଳଲୋଚନ । ଖାସ୍ ସେଇଥିପାଇଁ ତ ପ୍ରତିଦିନ ରାଜଧାନୀରେ ବୁଲା କୁକୁରଙ୍କୁ ସେ ଖାଇବାକୁ ଦେଉଛନ୍ତି । ନିଜେ ଜଣେ ଜରି ଗୋଟାଳି । ବିଭିନ୍ନ ସ୍ଥାନ ବୁଲି ପ୍ଲାଷ୍ଟିକ୍ ବଟଲ ପରି ସାମଗ୍ରୀ ସଂଗ୍ରହ କରିଥାନ୍ତି । ଏଭଳି ସ୍ଥିତିରେ ନିଜକୁ ପ୍ରତିଦିନ ଖାଇବା ମିଳିବ କି ନାହିଁ ସେ ଜାଣିନଥାନ୍ତି । ହେଲେ ତାଙ୍କ ଆଖପାଖରେ ଥିବା ବୁଲା କୁକୁରଙ୍କ ପାଇଁ ସେ କିନ୍ତୁ ଖାଇବା ଯୋଗାଡ କରି ଦେଇଥାନ୍ତି । ବୁଲା କୁକୁରଙ୍କ ପାଇଁ କମଳ ଲୋଚନଙ୍କ ଏପରି ଭଲ ପାଇବା ଆଜି ତାଙ୍କୁ ସମାଜର ଭିଡ ଭିତରୁ ଜଣେ ନିଆରା ମଣିଷ ଭାବେ ପରିଚୟ ଦେଇଛି । ଯେଉଁ ମାନଙ୍କ ନିକଟରେ ଭୋକିଲାଙ୍କୁ ଖାଇବାକୁ ଦେବାକୁ ସମସ୍ତ ସଂବଳ ରହିଛି ସେମାନେ କେବେ ଏହି କଥା ଚିନ୍ତା କରିନଥିବେ, ଯାହା କମଳ ଲୋଚନ କରି ଦେଖାଇଛନ୍ତି ।
ସତରେ କମଳ ଲୋଚନଙ୍କ ଏପରି ପଶୁ ପ୍ରେମ ବାସ୍ତବରେ ନିଆରା । ନିଜେ ଯାଯାବର ଜୀବନ ଜିଉଁଥିଲେ ମଧ୍ୟ ବୁଲା କୁକୁରଙ୍କ ପାଇଁ ପାଲଟି ଯାଇଛନ୍ତି ଦେବଦୂତ । ଆଉ ତାଙ୍କର ଏପରି ଉଦ୍ୟମ ପାଇଁ ରାଜଧାନୀରେ ଅନେକ ବୁଲା କୁକୁରଙ୍କ ପେଟକୁ ପ୍ରତିଦିନ ଯେ ଖାଦ୍ୟ ପହଁଂଚୁଛି ଏହାକୁ ଏଡାଇ ଦେଇ ହେବନି । କମଳ ଲୋଚନଙ୍କ ଏହି ଭଲ କାମ ଆମ ସମାଜର ନଜରକୁ ଆସିନଥିଲା । ଗଣମାଧ୍ୟମର ନଜର ବି ଆସିନି । ହେଲେ ଏପରି ଜଣେ ଭଲ ମଣିଷର ମଣିଷ ପଣିଆକୁ ଜାଣିବା ପରେ ଟୁଇଟ୍ କରି ସମସ୍ତଙ୍କୁ ଜଣାଇଛନ୍ତି ଭିଭିଏସ ଲକ୍ଷ୍ମଣ ।