୧୩ ବର୍ଷର ସମ୍ପର୍କରେ ପଡିଲା ପୂର୍ଣ୍ଣଛେଦ ! କମଲ ହାସନଙ୍କ ଠାରୁ ଅଲଗା ହେବେ ଗୌତମୀ
ବିବାହ ନକରି ଦୀର୍ଘ ୧୩ ବର୍ଷ ଧରି ଏକାଠି ରହୁଥିବା ସୁପର୍ଷ୍ଟାର କମଲ ହସନ୍ ଏବଂ ଅଭିନେତ୍ରୀ ଗୌତମୀ ଏବେ ଅଲଗା ହେବାକୁ ଯାଉଛନ୍ତି । ଆଜି ଏ ସଂପର୍କରେ ଗୌତମୀ ଘୋଷଣା କରିଛନ୍ତି ଏବଂ ଏହା ତାଙ୍କ ଜୀବନର ସବୁଠାରୁ କଠୋର ଓ ଦୁଃଖଦ ନିଷ୍ପତ୍ତି ବୋଲି ଉଲ୍ଲେଖ କରିଛନ୍ତି । ଏହି ପଦକ୍ଷେପ ମତେ ବହୁତ ଆଗରୁ ନବାର ଥିଲା ବୋଲି ମଧ୍ୟ ସେ ଏହି ପୋଷ୍ଟରେ ଉଲ୍ଲେଖ କରିଛନ୍ତି ଗୌତମୀ ।
Kanak News is now on WhatsApp
Join and get latest news updates delivered to you via WhatsApp
୪୮ ବର୍ଷୀୟା ଗୌତମୀ ତାଙ୍କ ବ୍ଲଗ୍ରେ ଲେଖିଛନ୍ତି ଯେ ଏହି ନିଷ୍ପତ୍ତି ନେବାପାଇଁ ଦୀର୍ଘ ଦିନ ଲାଗିଗଲା ଏବଂ ଏଥିପାଇଁ ଗଭୀର ଯନ୍ତ୍ରଣା ଦେଇ ଗତି କରିବାକୁ ପଡ଼ିଛି ଗୌତମୀଙ୍କୁ । କମଲଙ୍କ ସହିତ ଏକାଠି ରହିବା ପୂର୍ବରୁ ଗୌତମୀ ବ୍ୟବସାୟୀ ସନ୍ଦୀପ ଭାଟିଆଙ୍କୁ ବିବାହ କରିଥିଲେ ଏବଂ ସେମାନଙ୍କ ଏକ ଝିଅ ମଧ୍ୟ ରହିଛି ।
କମଲ ହାସନ ଏହାପୂର୍ବରୁ ୨ ଥର ବିବାହ କରିଛନ୍ତି । କମଲଙ୍କ ଦ୍ୱିତୀୟ ପତ୍ନୀ ହେଉଛନ୍ତି ସାରିକା । ସେମାନଙ୍କର ୨ ଝିଅ ସ୍ମୃତି ଏବଂ ଅକ୍ଷରା ଅଛନ୍ତି । କମଲ ହାସନଙ୍କଠାରୁ ସେ ତାଙ୍କ ଜୀବନରେ ବହୁତ କିଛି ଶିଖିବାକୁ ପାଇଛନ୍ତି ଏବଂ ସେ ତାଙ୍କୁ ଏବେବି ସମ୍ମାନ କରନ୍ତି ବୋଲି କହିଛନ୍ତି ।