ସମଗ୍ର ଭାରତ ବର୍ଷରେ ନାଁ କରିଛି ଖଇରପଦରର କାଠ ଖୋଦେଇ କାରୁକାର୍ଯ୍ୟ ! କଳା ପାଇଁ ପ୍ରଶଂସା ସାଉଁଟୁଥିବା ଶିଳ୍ପୀଙ୍କ ଆର୍ଥିକ ସ୍ଥିତି କିନ୍ତୁ ଦୟନୀୟ
କନକ ବ୍ୟୁରୋ : ସମଗ୍ର ଭାରତ ବର୍ଷରେ ନାଁ କରିଛି କଳାହାଣ୍ଡି ଜିଲ୍ଲା ଖଇରପଦରର କାଠ ଖୋଦେଇ କାରୁକାର୍ଯ୍ୟ । କଳା ପାଇଁ ଆଦର ଓ ପ୍ରଶଂସା ସାଉଁଟୁଥିବା ଶିଳ୍ପୀଙ୍କ ଆର୍ଥିକ ସ୍ଥିତି କିନ୍ତୁ ଦୟନୀୟ । ଖଇରପଦର ଗାଁର ୯୦ ପ୍ରତିଶତ ମହାରଣା କାରିଗର,ମୂର୍ତ୍ତି ତିଆର କରି ପରିବାର ଚଲାଉଛନ୍ତି । ଅର୍ଥର ଅଭାବ ଯୋଗୁଁ କଳାର ବିକାଶ ହୋଇପାରୁନାହିଁ । ତେଣୁ ସରକାରୀ ପ୍ରୋତ୍ସାହନ ମିଳିଲେ ବିଦେଶରେ ମଧ୍ୟ ନା କରିପାରନ୍ତେ ବୋଲି ଶିଳ୍ପୀମାନେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖଇରପଦରର କାଠ ଖୋଦେଇ କାରୁକାର୍ଯ୍ୟ ବେଶ ପ୍ରଶଂସନୀୟ ହୋଇଥିବା ବେଳେ ଆର୍ଥିକ ପ୍ରୋତ୍ସାହନ ଅଭାବରୁ ଶିଳ୍ପି ମାନେ ସଂକଟରେ ରହିବା ସହିତ ସେମାନଙ୍କ କଳା ବିକାଶ କରିପାରିନାହାନ୍ତି । କାଠ କାମର ସୁନ୍ଦର କାରୁକାର୍ଯ୍ୟ । ବାରିସୀ ଓ ନିହାଣରେ କାଠ ଖୋଦେଇ କରି ମୂର୍ତ୍ତି ନିର୍ମାଣରେ ମଗ୍ନ ଶିଳ୍ପୀ । କାରିଗରରେ ପରିଶ୍ରମରରେ ଜୀବନ୍ତ ହୋଇଛି କାଠରେ ନିର୍ମାଣ ହୋଇଥିବା ଘରକରଣା ସାମଗ୍ରୀ । ଗାଁର ପ୍ରାୟ ନବେ ପ୍ରତିଶତ ଲୋକ ଏହି କାଠର ମୂର୍ତି ତିଆରି କରି ପରିବାର ପ୍ରତିପୋଷଣ କରନ୍ତି ।
ଶିଳ୍ପୀମାନେ କାଠ କାମ କରି ନିଜେ ବଂଚିବା ସହିତ ଅନ୍ୟକୁ ସ୍ୱବାବଲମ୍ବୀ କରିବା ପାଇଁ ଏକ ତାଲିମ କେନ୍ଦ୍ର ଗାଁରେ ଖୋଲିଛନ୍ତି । ଏଠାରେ ପ୍ରାୟ ୩ଶହ ଜଣ ଯୁବକ ତାଲିମ ନେଉଛନ୍ତି ।ତେବେ ସରକାରୀ ପ୍ରୋତ୍ସାହନ ମିଳିଲେ ଏହି କାଠ କଳା ସାରା ବିଶ୍ୱରେ ନାମିତ ହୋଇପାରିବ ବୋଲି ଶିଳ୍ପୀମାନେ କହିଛନ୍ତି । ଖଇରପଦର ଗାଁରେ ନିର୍ମିତ କାଠ ସାମଗ୍ରୀ ଭାରତରେ ପ୍ରଶଂସନୀୟ ହୋଇପାରିଛି । ଘର ସଜାଇବା ପାଇଁ କାଠ ନିର୍ମିତ ମୂର୍ତ୍ତିର ଚାହିଦା ବଜାରରେ ମଧ୍ୟ ରହିଛି ।