ବଡ ପରଦାରେ ଓଡିଶା ଚାଷୀଙ୍କ ସମସ୍ୟା ! ଓଡିଆ ସିନେ ନିର୍ମାତା ନୀଳମାଧବ ପଣ୍ଡାଙ୍କ ବଲିଉଡ ସିନେମା ‘କଡ଼ଓ୍ଵି ହାଓ୍ଵା’ର ଟ୍ରେଲର ରିଲିଜ
ବଲିଉଡ଼ରେ ଏବେ ଦର୍ଶକ ଦେଖିବାକୁ ପାଇବେ ଓଡ଼ିଶାର ଉପକୂଳବାସୀଙ୍କ ସମସ୍ୟା । ପାଣିପାଗ ପରିବର୍ତ୍ତନ ସାଙ୍ଗକୁ ସରକାରୀ ଯୋଜନାର ବିଫଳତା ଯୋଗୁଁ କିଭଳି ଚାଷୀ ହନ୍ତସନ୍ତ ହେଉଛି ତାହା ଦର୍ଶକ ଦେଖିବାକୁ ପାଇବେ । ଏହାଛଡା ସମୁଦ୍ରରେ ଜଳସ୍ତର ବଢିବା ଯୋଗୁଁ କିଭଳି ଉପକୂଳବାସୀ ନିଜର ଭିଟାମାଟି ହରାଉଛନ୍ତି ତାହା ଦର୍ଶକ ଦେଖିବାକୁ ପାଇବେ । ଏହି ସିନେମାର ନାମ ହେଲା ‘କଡ଼ଓ୍ଵି ହାଓ୍ଵା’ । ଏଥିରେ ଓଡିଶା ଓ ବୁନ୍ଦେଲଖଣ୍ଡର ଚାଷୀଙ୍କ ସମସ୍ୟା ବି ଦର୍ଶକ ଦେଖିବେ । ଏହି ସିନେମାର ଟ୍ରେଲର ରିଲିଜ ହୋଇଥିବାବେଳେ ଏହାର ନିର୍ଦେଶନା ଦେଇଛନ୍ତି ଓଡିଆ ପୁଅ ତଥା ଜାତୀୟ ପୁରସ୍କାରପ୍ରାପ୍ତ ନିର୍ଦ୍ଦେଶକ ନୀଳମାଧବ ପଣ୍ଡା । ଏହି ସିନେମାରେ ମୁଖ୍ୟ ଭୁମିକାରେ ସଂଜୟ ମିଶ୍ରା, ରଣବୀର ସୋରୀ, ତିଲୋତ୍ତମା ସୋମେ ଓ ଭୂପଶ ସିଂ ପ୍ରମୁଖ ଅଭିନୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୨୪ ତାରିଖରେ ସିନେମାଟି ରିଲିଜ ହେବାକୁ ଥିବାବେଳେ ଏହା ଦର୍ଶକଙ୍କୁ ପସନ୍ଦ ଆସିବ ବୋଲି ପ୍ରଯୋଜନା ସଂସ୍ଥା ଆଶା ରଖିଛି । ସିନେମାର କାହାଣୀ ମୁତାବକ ଜଳସଙ୍କଟରେ ଉତ୍ତରପ୍ରଦେଶର ବୁନ୍ଦେଲଖଣ୍ଡ ଅଂଚଳ ପ୍ରଭାବିତ ହୋଇଛି । ଯାହାଫଳରେ ହଜାର ହଜାର ଏକର ଜମିରେ ଚାଷ ନ ହେଇ ଶୁଖିଲା ହୋଇ ପଡିରହିଛି । ସେହିପରି ଓଡିଶାରେ ଗ୍ଲୋବାଲ ୱାର୍ମିଂ କାରଣରୁ ସମୁଦ୍ର ଜଳସ୍ତର ବଢୁଥିବାବେଳେ ସମୁ୍ଦ୍ରକୁଳିଆ ଲୋକଙ୍କ ଭିଟାମାଟି ସମୁଦ୍ରରେ ଲୀନ ହୋଇଯାଉଛି । ଆଉ ଏହା ଦେଖି ଓଡିଆ ଯୁବକଟିଏ ତାହାର ପରିବାରକୁ ସୁରକ୍ଷିତ ସ୍ଥାନକୁ ନେବାକୁ ଚାହୁଁଛି ।
ଗୋଟିଏ ପଟେ ଓଡିଶାରେ ଅଧିକ ପାଣି ଯୋଗୁଁ ପ୍ରଳୟର ସମ୍ଭାବନା ଦେଖା ଦେଇଥିବାବେଳେ ଅନ୍ୟପଟେ କିନ୍ତୁ ବୁନ୍ଦେଲଖଣ୍ଡରେ ପାଣି ସମସ୍ୟା ଯୋଗୁଁ ଅଭାବନୀୟ ପରିସ୍ଥିତି ଦେଖାଦେଇଛି ।ଏହି ସିନେମାରେ ସଂଜୟ ମିଶ୍ରା ଜଣେ ଅନ୍ଧ ବୃଦ୍ଧ ଭୁମିକାରେ ଅଭିନୟ କରିଛନ୍ତି । ଚାଷ ପାଇଁ ସେ ଋଣ ଜରିଥିବା ବେଳେ ଜମି ଶୁଖିଲା ପଡିବା ଯୋଗୁଁ ଚାଷ ହୋଇପାରିନାହିଁ । ଆଉ ଋଣ ସୁଝିବାକୁ ସେ ବହୁତ ପରିଶ୍ରମ କରୁଛନ୍ତି । ବଡ କଥା ହେଉଛି ଏହି ସିନେମାରେ ଲୋକପ୍ରିୟ ଡାଇଲଗ ଚର୍ଚ୍ଚା ସୃଷ୍ଟି କରିଛି । ଡାଇଲଗରେ ଶୁଣିବାକୁ ମିଳିଛି ଯେ ଯେତେବେଳେ ଏଇଠି ଛୁଆଟିଏ ଜନ୍ମ ହୋଇଥଏ ସେତେବେଳେ ସିଏ ତାହାର ହାତରେ ଭାଗ୍ୟ ବଦଳରେ ଋଣ ସୁଝିବାକୁ ଜନ୍ମ ହୋଇଥାଏ ।