ଟିକେଟ ଦେବାକୁ ମିଳିଥିଲା ପ୍ରତିଶୃତି, ଶେଷ ମୁହୂର୍ତ୍ତରେ ପ୍ରତିଶୃତି ଭାଙ୍ଗିଦେଲା ବିଜେପି । ବିନୋଦ ଖାନ୍ନାଙ୍କ ପତ୍ନୀ ଆଣିଲେ ବଡ ଅଭିଯୋଗ
ସ୍ୱର୍ଗତଃ ବଲିଉଡ୍ ଫିଲ୍ମ ଅଭିନେତା ଏବଂ ଭାରତୀୟ ଜନତା ପାର୍ଟିର ସାଂସଦ ବିନୋଦ ଖାନ୍ନାଙ୍କ ପତ୍ନୀ କବିତା ଖାନ୍ନା ବିଜେପି ଉପରେ ପ୍ରତିଶ୍ରୁତି ଭାଙ୍ଗିବାର ଅଭିଯୋଗ ଆଣିଛନ୍ତି । ଗୁରୁଦାସପୁର ଲୋକସଭା ଆସନ ପାଇଁ ବିଜେପି ଟିକେଟ ଦେବ ବୋଲି ପ୍ରତିଶ୍ରୁତି ଦେଇଥିଲା। କିନ୍ତୁ ପରେ ଟିକେଟ୍ ବଲିଉଡ୍ କଳାକାର ସନ୍ନି ଦେଓଲଙ୍କ ମିଳିଥିଲା । ଏହି ଖବର ପାଇବା ପରେ କବିତା ଖାନ୍ନା ନିରାଶ ହୋଇଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି, ଗତ ୨୦ବର୍ଷ ହେଲାଣି ମୁଁ ମୋ ସ୍ୱାମୀଙ୍କ ସହ ଗୁରୁଦାସପୁରର ବିକାଶ ଏବଂ ଲୋକମାନଙ୍କର ସମସ୍ୟାର ସମାଧାନ ପାଇଁ କାମ କରି ଆସୁଛି । ସ୍ୱାମୀଙ୍କ ଦେହାନ୍ତ ପରେ ମଧ୍ୟ ମୁଁ ମୋର ଏହି ସେବାଭାବ ମନରୁ ଦୂରେଇ ଦେଇ ନ ଥିଲି । କିନ୍ତୁ ଏତେ ସବୁ କରିବା ପରେ ଟିକେଟ ନ ପାଇ ମୁଁ ନିରାଶ ହୋଇଛି । ବିଜେପିର ପ୍ରତିଶ୍ରୁତି ନ ରଖିଥିବାରୁ ମୁଁ ଦୁଃଖିତ । କିନ୍ତୁ ଗୁରୁଦାସପୁର ଲୋକସଭା ଆସନ ବିଜେପିର ହେଉ, ତାହା ମୁଁ ଚାହୁଁଛି । ବିଜେପିକୁ ହିଁ ସଫଳତା ମିଳୁ ବୋଲି କହିଛନ୍ତି କବିତା ଖାନ୍ନା ।