ମୁମ୍ବାଇର ଏକ ଷ୍ଟେଜ୍ ଶୋ’ରେ ନଜର ଆସିବେ ପପ୍ ଷ୍ଟାର ଜଷ୍ଟିନ ବିବର ! ଯାହାର ଟିକେଟ ମୂଲ୍ୟ ରହିଛି ପାଖାପାଖି ୭୬ ହଜାର ଟଙ୍କା
ପ୍ରଖ୍ୟାତ ଆନ୍ତରାଷ୍ଟ୍ରିୟ ପପ୍ ଷ୍ଟାର ଜଷ୍ଟିନ ବିବର ମୁମ୍ବାଇର ଏକ ଷ୍ଟେଜ ଶୋ’ରେ ସାମିଲ ହେବାକୁ ଯାଉଛନ୍ତି । ଆଉ ଏହି କାର୍ଯ୍ୟକ୍ରମଟି ଆସନ୍ତା ୧୦ ମଇକୁ ଅନୁଷ୍ଠିତ ହେବାକୁ ଯାଉଛି । ସବୁଠାରୁ ବିଶେଷ କଥା ହେଲା, କି ଏହି କାର୍ଯ୍ୟକ୍ରମରେ ଟିକେଟର ମୂଲ୍ୟ ରହିଛି ପାଖାପାଖି ୭୬,୭୯୦ ଟଙ୍କା । ଯଦିଓ ଏକା କେବଳ ଭିଭିଆଇପି କାଟାଗୋରୀଙ୍କ ପାଇଁ ଉର୍ଦ୍ଦିଷ୍ଟ , ତେବେ ବୁକ୍ ମାଈ ଶୋ ଡଟ୍ କମର ସୂଚନା ମୁତାବକ ଏହି କାଟାଗୋରୀର ସମସ୍ତ ଟିକଟ ପ୍ରଥମ ଦିନରୁ ହିଁ ବିକ୍ରି ସରିଛି । ଏହି କାର୍ଯ୍ୟକ୍ରମର ସବୁଠାରୁ ଶସ୍ତା ଟିକଟର ମୂଲ୍ୟ ୪ ହଜାର ଟଙ୍କା ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗାୟକ ତଥା ସଙ୍ଗୀତକାର ଜଷ୍ଟିନ ବିବର ଅନେକ ହିଟ୍ ଗୀତକୁ ମୁମ୍ବାଇର ଏହି କାର୍ଯ୍ୟକ୍ରମରେ ପରିବେଷଣ କରିବାକୁ ଯାଉଛନ୍ତି । ଆୟୋଜକ ଏହି ସଙ୍ଗୀତ କାର୍ଯ୍ୟକ୍ରମକୁ ଭାରତର ସବୁଠାରୁ ସଫଳ ତଥା ସବୁଠାରୁ ଭଲ ସଙ୍ଗୀତ କାର୍ଯ୍ୟକ୍ରମ କରିବା ଉଦ୍ଦେଶ୍ୟରେ ଏହାର ଜୋରଦାର ପ୍ରସ୍ତୁତିରେ ଲାଗିପଡିଛନ୍ତି । ତେବେ ଏକ ପର୍ଯ୍ୟବେକ୍ଷଣରୁ ଏକ କଥା ଜଣାପଡିଛି କି ଭାରତରେ ବିବରଙ୍କର ପାଖାପାଖି ୮୦ ପ୍ରତିଶତରୁ ଅଧିକ ପ୍ରଶଂସକ ରହିଛନ୍ତି ।