ଜଷ୍ଟିସ୍ ସଞ୍ଜୁ ପଣ୍ଡା ହେଲେ ଓଡ଼ିଶା ହାଇକୋର୍ଟର ଅନ୍ତରୀଣ ମୁଖ୍ୟ ବିଚାରପତି । ମୁଖ୍ୟ ବିଚାରପତି ନିଯୁକ୍ତ ହେବା ଯାଏଁ ରାଜ୍ୟର ପ୍ରଥମ ମହିଳା ବିଚାରପତି ଭାବେ ସମ୍ଭାଳିବେ ଗୁରୁଦାୟିତ୍ୱ ।
କନକ ବ୍ୟୁରୋ: ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ଦାୟିତ୍ୱ ସମ୍ଭାଳିବେ ଜଷ୍ଟିସ ସଞ୍ଜୁ ପଣ୍ଡା । ଜଷ୍ଟିସ ସଞ୍ଜୁ ପଣ୍ଡାଙ୍କୁ ଅନ୍ତରୀଣ ମୁଖ୍ୟ ବିଚାରପତି ଦାୟିତ୍ୱ ଦେଇଛନ୍ତି ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ । ତେବେ ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ପଦରୁ ଜଷ୍ଟିସ କଳ୍ପେଶ ସତ୍ୟେନ୍ଦ୍ର ଜାଭେରୀ ଅବସର ନେଇଥିଲେ । ତେଣୁ ନୂଆ ମୁଖ୍ୟ ବିଚାରପତି ନିଯୁକ୍ତ ହେବା ଯାଏଁ ଏହି ଦାୟିତ୍ୱ ସମ୍ଭାଳିବେ ଜଷ୍ଟିସ୍ ସଞ୍ଜୁ ପଣ୍ଡା । ତେବେ ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କୁ ଦାୟିତ୍ୱ ଦେଇଥିବା ନେଇ ବିଜ୍ଞପ୍ତି ଜାରି ହୋଇଛି । ଆସନ୍ତାକାଲି ସେ ବିଧିବଦ୍ଧ ଭାବେ ଦାୟିତ୍ଵ ଗ୍ରହଣ କରିବେ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା ଭାରପ୍ରାପ୍ତ ବା ଅନ୍ତରୀଣ ମୁଖ୍ୟ ବିଚାରପତି ଭାବେ ଜଷ୍ଟିସ୍ ସଞ୍ଜୁ ପଣ୍ଡା ହେଉଛନ୍ତି ରାଜ୍ୟର ପ୍ରଥମ ମହିଳା ବିଚାରପତି । ୧୯୫୯ ଜୁଲାଇ ୧୦ ତାରିଖରେ ଜନ୍ମିତ ଜଷ୍ଟିସ ସଞ୍ଜୁ ପଣ୍ଡା ୨୦୦୭ ମାର୍ଚ୍ଚ ୧ ତାରିଖରେ ହାଇକୋର୍ଟର ବିଚାରପତି ଭାବେ କାର୍ଯ୍ୟଭାର ଗ୍ରହଣ କରିଥିଲେ । ବର୍ତ୍ତମାନ ତାଙ୍କୁ ଜଣେ ଓଡ଼ିଆ ମହିଳା ବିଚାରପତି ଭାବେ ଏହି ଗୁରୁ ଦାୟିତ୍ୱ ମିଳିଛି ।