ଦେଶର ପରବର୍ତୀ ପ୍ରଧାନ ବିଚାରପତି ହୋଇପାରନ୍ତି ଜଷ୍ଟିସ୍ ଗୋଗୋଇ । ସିଜେଆଇ ପାଇଁ ଉତରାଧିକାରୀ ଭାବେ ଚିଫ୍ ଜଷ୍ଟିସଙ୍କ ନାଁ ସୁପାରିଶ, ଅକ୍ଟୋବର ୨ରେ ଅବସର ନେବେ ଜଷ୍ଟିସ ଦୀପକ ମିଶ୍ର
କନକ ବ୍ୟୁରୋ : ଜଷ୍ଟିସ ରଂଜନ ଗୋଗୋଇ ଭାରତର ପରବର୍ତି ପ୍ରଧାନ ବିଚାରପତି ହେବେ । ଏହି ପଦବୀ ପାଇଁ ଜଷ୍ଟିସ ଗୋଗେଇଙ୍କ ନାମକୁ ସରକାରଙ୍କୁ ସୁପାରିଶ କରିଛନ୍ତି ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ୍ ଦୀପକ ମିଶ୍ର । ମିଳିଥିବା ସୂଚନା ଅନୁସାରେ ଜଷ୍ଟିସ ରଂଜନ ଗୋଗୋଇ ଅକ୍ଟୋବର ୩ ତାରିଖରେ ଶପଥ ନେବେ । ଏହାପରେ ଜଷ୍ଟିସ୍ ଗୋଗୋଇ ଦେଶର ପ୍ରଧାନ ବିଚାରପତି ଭାବେ ୧୭ ନଭେମ୍ବର ୨୦୧୯ ଯାଏଁ କାର୍ଯ୍ୟଭାର ତୁଲାଇବେ । ସିଜେଆଇ ଦୀପକ ମିଶ୍ରଙ୍କ କାର୍ଯ୍ୟକାଳ ଅକ୍ଟୋବର ୨ ତାରିଖରେ ଶେଷ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ନିୟମ ଅନୁସାରେ ଦୀପକ ମିଶ୍ରଙ୍କ ପରେ ବରିଷ୍ଠ ବିଚାରପତି ଜଷ୍ଟିସ ଗୋଗୋଇଙ୍କ ନାମକୁ ସିଜେଆଇ ପାଇଁ ସୁପାରିଶ କରାଯାଇଛି । ତେବେ ଗୋଗୋଇ ବର୍ତ୍ତମାନର ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ସାମ୍ବାଦିକ ସମ୍ମିଳନୀ କରି ଦେଶରେ ଆଲୋଡ଼ନ ସୃଷ୍ଟି କରିଥିବା ୪ ଜଣ ବରିଷ୍ଠ ବିଚାରପତିଙ୍କ ମଧ୍ୟରୁ ଜଷ୍ଟିସ୍ ଗୋଗୋଇ ଅନ୍ୟତମ । ଜଷ୍ଟିସ୍ ଗୋଗୋଇ ୧୯୭୮ରେ ହାଇକୋର୍ଟ ବାରରେ ସାମିଲ ହୋଇଥିଲେ । ୨୦୧୨ ଏପ୍ରିଲ୍ ୨୩ରେ ତାଙ୍କୁ ସୁପ୍ରିମକୋର୍ଟର ବିଚାରପତି ଭାବେ ପଦୋନ୍ନତି ମିଳିଥିଲା। ତେବେ ଦେଶର ପରବର୍ତ୍ତୀ ମୁଖ୍ୟ ବିଚାର ପତି ହେଉଥିବାରୁ ଗୋଗୋଇଙ୍କୁ ଅନେକ ଶୁଭେଚ୍ଛା ମିଳିଥିବା ସୂଚନା ମିଳିଛି ।