ଜିଲ୍ଲା ପରିଷଦ ଅଧ୍ୟକ୍ଷ ନେଇ ଚିତ୍ର ସ୍ପଷ୍ଟ ! ବିଜେଡି ହାତରେ ୧୮ ଟି ଜିଲ୍ଲା ପରିଷଦ ଅଧ୍ୟକ୍ଷ ପଦ, ବିଜେପିକୁ ୮ ଓ କଂଗ୍ରେସ ୨
କନକ ବ୍ୟୁରୋ : ଜିଲ୍ଲା ପରିଷଦ ଅଧ୍ୟକ୍ଷ ନେଇ ଚିତ୍ର ସ୍ପଷ୍ଟ । ବିଜେଡି ହାତକୁ ଯାଇଛି ୧୮ ଟି ଜିଲ୍ଲା ପରିଷଦ ଅଧ୍ୟକ୍ଷ ପଦ । ଏହା ସହ ବିଜେପି ୮ଟି ଜିଲ୍ଲାରେ ଅଧ୍ୟକ୍ଷ ପଦ ହାତେଇ ଥିବା ବେଳେ ମାତ୍ର ଦୁଇଟି ଜିଲ୍ଲାରେ ଅଧ୍ୟକ୍ଷ ପଦ କଂଗ୍ରେସ ହାତକୁ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଟକ, ପୁରୀ, ଢେଙ୍କାନାଳ, ଜଗତସିଂହପୁର, କେନ୍ଦ୍ରାପଡା, ଖୋର୍ଦ୍ଧା, ନୟାଗଡ, ବୌଦ୍ଧ, ଯାଜପୁର, ଭଦ୍ରକ, ବାଲେଶ୍ୱର, ନବରଙ୍ଗପୁର, କେନ୍ଦୁଝର, ଅନୁଗୁଳ, ସୁନ୍ଦରଗଡ, ବ୍ରହ୍ମପୁର, କୋରାପୁଟ ଓ କନ୍ଧମାଳରେ ଜିଲ୍ଲା ପରିଷଦ ଅଧ୍ୟକ୍ଷ ପଦ ବିଜେଡି ହାତକୁ ଯାଇଛି ।
ସେହିପରି ସମ୍ବଲପୁର, ଗଜପତି, କଳାହାଣ୍ଡି, ବାରିପଦା, ବଲାଙ୍ଗିର, ବରଗଡ, ଦେବଗଡ ଓ ସୋନପୁରରେ ଅଧ୍ୟକ୍ଷ ପଦ ହାତେଇଛି ବିଜେପି । ତେବେ କଂଗ୍ରେସ କେବଳ ରାୟଗଡା ଓ ଝାରସୁଗୁଡା ଜିଲ୍ଲାପରିଷଦ ଅଧ୍ୟକ୍ଷ ପଦ ହାତେଇବାରେ ସକ୍ଷମ ହୋଇଛି ।
ଝୁଲା ଅବସ୍ଥାରେ ରହିଥିବା ୪ ଟି ଜିଲ୍ଲା ପରିଷଦ ମଧ୍ୟରୁ ଦୁଇଟିର ଅଧ୍ୟକ୍ଷ ପଦ ବିଜେଡି ହାତକୁ ଯାଇଛି । ବିଜେପି ଓ କଂଗ୍ରେସ ମଧ୍ୟ ଏଥିରୁ ଗୋଟିଏ ଲେଖାଏଁ ଜିଲ୍ଲାରେ ଅଧ୍ୟକ୍ଷ ପଦ ହାତେଇଛନ୍ତି । ସୁନ୍ଦରଗଡରେ ଝୁଲା ଜିଲ୍ଲାପରିଷଦ ଥିବା ବେଳେ କଂଗ୍ରେସ ସମର୍ଥନରେ ବିଜେଡି ଏଠାରେ ଜିଲ୍ଲାପରିଷଦ ଅଧ୍ୟକ୍ଷ ପଦ ହାତେଇ ନେଇଛି ।
ସେହିପରି ରାୟଗଡା ଜିଲ୍ଲାର ଝୁଲା ପରିଷଦର ଅଧ୍ୟକ୍ଷ ପଦ କଂଗ୍ରେସ ହାତକୁ ଯାଇଥିବା ବେଳେ ଗଜପତି ଜିଲ୍ଲାରେ ବିଜେପି ହାତେଇ ନେଇଛି ଅଧ୍ୟକ୍ଷ ପଦ । ତେବେ ମାଲକାନଗିରି ଓ ନୂଆପଡାରେ ଜିଲ୍ଲାପରିଷଦ ଅଧ୍ୟକ୍ଷ ନିର୍ବାଚନ ସ୍ଥଗିତ ରହିଥିବା ସୂଚନା ମିଳିଛି ।