ଝାରସୁଗୁଡ଼ାରେ ବିଜେଡି ପଦାଧିକାରୀ ବୈଠକ । ବିଜେଡିରେ ଯୋଗଦେବା ପୂର୍ବରୁ ନବଙ୍କୁ ନେଇ ଚାଲିଛି ମନ୍ଥନ ।
ସୂଚନା ମୁତାବକ ଝାରସୁଗୁଡାର ଏକ ପଞ୍ଚ ତାରକା ହେଟେଲରେ ନବ ଦାସଙ୍କ ସହ ବିଜେଡି ନେତା ସଞ୍ଜୟ ଦାସବର୍ମା, ପ୍ରଣବ ପ୍ରକାଶ ଦାସଙ୍କ ଏବଂ ଜିଲ୍ଲା ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କର ରୁଦ୍ଧ ଦ୍ୱାରା ବୈଠକ ହୋଇଛି ।
କନକ ବ୍ୟୁରୋ: ଝାରସୁଗୁଡ଼ା ନେତା ନବ ଦାସଙ୍କ ବିଜେଡି ପ୍ରବେଶ ନେଇ ଚାଲିଛି ବୈଠକ । ସୂଚନା ମୁତାବକ ଝାରସୁଗୁଡାର ଏକ ପଞ୍ଚ ତାରକା ହେଟେଲରେ ନବ ଦାସଙ୍କ ସହ ବିଜେଡି ନେତା ସଞ୍ଜୟ ଦାସବର୍ମା, ପ୍ରଣବ ପ୍ରକାଶ ଦାସଙ୍କ ଏବଂ ଜିଲ୍ଲା ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କର ରୁଦ୍ଧ ଦ୍ୱାରା ବୈଠକ ହୋଇଛି । ଗତକାଲି କଂଗ୍ରେସରୁ ଇସ୍ତଫା ଦେଇଥିବା ନବ ଦାସଙ୍କ ବିଜେଡିରେ ଯୋଗଦେବା ପୂର୍ବରୁ ବିଜେଡିର ଛାମୁଆ ନେତାମାନେ ମନ୍ଥନ କରୁଛନ୍ତି । ଆସନ୍ତା ୨୪ ତାରିଖରେ ନବ ଦାସ ବିଜେଡିରେ ଯୋଗଦେବେ ବୋଲି ପୂର୍ବରୁ ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏହି ବୈଠକରେ ଝାରସୁଗୁଡ଼ା ବିଜେଡି ଜିଲ୍ଲା ସଭାପତି କିଶୋର ମହାନ୍ତି ଏବଂ ବିଜେଡ଼ି ନେତା ଅନୁପ ସାଏ ମଧ୍ୟ ଉପସ୍ଥିତ ଥିବା ଜଣାପଡ଼ିଛି । ଆସନ୍ତା ୨୪ ତାରିଖରେ ନବ ଦାସ ବିଜେଡ଼ି ଯୋଗଦେବାର କାର୍ଯ୍ୟକ୍ରମ ରହିଥିବାବେଳେ ପ୍ରବେଶ ପୂର୍ବରୁ ରାଲି କାର୍ଯ୍ୟକ୍ରମର ପୂର୍ବ ପ୍ରସ୍ତୁତି ନେଇ ନବ-ପ୍ରଣବ-ସଂଜୟଙ୍କ ମଧ୍ୟରେ ଚାଲିଛି ଆଲୋଚନା । ତେବେ ନବ ଦାସଙ୍କ ବିଜେଡିରେ ଯୋଗଦେବା ଘଟଣା ସାମ୍ନାକୁ ଆସିବା ପରେ ଝାରସୁଗୁଡ଼ାରେ ନବ ଓ ନବୀନଙ୍କ ଫଟୋ ପୋଷ୍ଟର ଛାଉଣି ହୋଇପଡ଼ିଥିବା ଦେଖିବାକୁ ମିଳିଛି ।
ରାଜନୀତି ବିଛଣାରେ ଅନେକ ଅପରିଚିତ ବ୍ୟକ୍ତିଙ୍କୁ ଶୋଇଥିବା ଦେଖିବାକୁ ମିଳେ । ହେଲେ ଯିଏ କିଛି ଦିନ ତଳେ ଦମ୍ ଦେଖାଇ କହୁଥିଲେ ହାତ ଛାଡ଼ିବାର ପ୍ରଶ୍ନ ଉଠୁନି ସିଏ ଆଜି କଂଗ୍ରେସ ସହିତ ସବୁ ସମ୍ପର୍କ ତୁଟାଇଦେଇଛନ୍ତି । ତେବେ ଶଙ୍ଖ ଧରିବାକୁ ସଜବାଜ ହୋଇ ବସିଛନ୍ତି ନବ ଦାସ । ଆଉ ମାତ୍ର କେଇ ଦିନର ଅପେକ୍ଷା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ସବୁଜ ରଙ୍ଗରେ ରଙ୍ଗୀନ ଝାରସୁଗୁଡ଼ା ପୂର୍ବତନ କଂଗ୍ରେସ ବିଧାୟକ ନବ ଦାସ । ସେପଟେ ନବ ଦାସଙ୍କ ପୂର୍ବ କଥା ଏବଂ ବର୍ତ୍ତମାନର ନିଷ୍ପତିକୁ ନେଇ ରାଜ୍ୟ ରାଜନୀତି କରିଡ଼ରରୁ ଆରମ୍ଭ କରି ସାଧାରଣରେ ଚର୍ଚ୍ଚା ଜୋର ଧରିଛି ।