ଜାମୁ-କାଶ୍ମୀରର ସୋପିୟାନା ଜିଲ୍ଲାରେ ସୁରକ୍ଷାକର୍ମୀଙ୍କ ଏନାକାଉଣ୍ଟରରେ ୪ ଆତଙ୍କବାଦୀ ମୃତ, ଚାଲିଥିଲା ୭୨ ଘଣ୍ଟାର ଅପରେସନ
କନକ ବ୍ୟୁରୋ : ଜାମୁର ସୋପିଆନା ଜିଲ୍ଲାରେ ଯବାନଙ୍କ ଏନକାଉଣ୍ଟରରେ ୪ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ଜଣାପଡିଛି । ଫୁଲୁରାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ସହ ଗୁଳିବିନିମୟ ହୋଇଥିଲା ଯେଉଁଥିରେ ୪ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଗତକାଲି ରାତିରୁ ହିଁ ସେନାର ଅପରେସନ ଜୋରଦାର କରାଯାଇଥିଲା । ଏହାସହ ଅନେକ ଆତଙ୍କବାଦୀ ଜଙ୍ଗଲ ମଧ୍ୟରେ ଲୁଚିକିଥିବା ସୂଚନା ମିଳିଛି । ସମସ୍ତ ମୃତ ଦେହକୁ ସେନା ଜବତ କରିବା ସହ ଜଣଙ୍କ ପରିଚୟ ମିଳିଥିବା ଜଣାପଡିଛି । ଗତ ୭୨ ଘଣ୍ଟାରୁ ସେନା ଜଙ୍ଗଲରେ ଥିବା ଆତଙ୍କବାଦୀମାନଙ୍କୁ ଖୋଜୁଥିଲା । ଶୁକ୍ରବାର ରାତିରେ ମଧ୍ୟ ଆତଙ୍କବାଦୀଙ୍କ ସହ ସେନାର ପ୍ରବଳ ଗୁଲି ବିନିମୟ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ମିଳିଥିବା ସୂଚନା ଅନୁସାରେ ଆତଙ୍କବାଦୀମାନେ ଫିଲୁରା ଅଞ୍ଚଳରେ ଲୁଚିଛନ୍ତି ବୋଲି ସେନାକୁ କୈାଣସି ସୂତ୍ରରୁ ଖବର ମିଳିଥିଲା । ତାହା ପରେ ସେନା ସେମାନଙ୍କୁ ଖୋଜିବା ସହ ଏକ ଅପରେସନ ଆରମ୍ଭ କରିଥିଲା । ତେବେ ପ୍ରଥମେ ଆତଙ୍କବାଦୀମାନେ ସେନା ଉପରକୁ ଗୁଳି ବର୍ଷା କରିଥିଲେ । ତେଣୁ ସେନା ମଧ୍ୟ ପାଲଟା ଯବାବ ଦେଇଥିଲା ଏହା ପରେ ସେନାର ପାଲଟା ଗୁଳିରେ ଆତଙ୍କବାଦୀମାନେ ମୃତ୍ୟୁ ହୋଇଥିବା ଜଣାପଡିଛି । ତେବେ ବାରମ୍ବାର ଜାମୁ ଅଞ୍ଚଳରେ ଆତଙ୍କବାଦୀମାନେ ଅନୁପ୍ରବେଶ କରିବା ପାଇଁ ଉଦ୍ୟମ କରୁଛନ୍ତି । ତେଣୁ ସେନା ସମସ୍ତ ଆତଙ୍କବାଦୀକୁ ଅନୁପ୍ରବେଶ କରିବା ଲାଗି ରୋକିବାରୁ ସେମାନଙ୍କ ଉଦ୍ୟମ ପଣ୍ଡ ହେଉଛି । ତେଣୁ ସୀମାରେ ଅନେକ ସମୟରେ ଗୋଳିବର୍ଷା ଲାଗ ରହିଛି । ତେବେ ସେନାର ଡଣେ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ, ଯେତେବେଳେ ବି ଭାରତ ମଧ୍ୟରେ ଆତଙ୍କବାଦୀମାନେ ଅନୁପ୍ରବେଶ କରିବା ପାଇଁ ଚେଷ୍ଟା କରିବେ ସେମାନଙ୍କୁ ଉଚିତ ଜବାବ ଦିଆଯିବ ।