ମାଲକାନଗିରି : ବେକାବୁ ଜାପାନୀ ଏନସେଫାଲାଇଟିସ । ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ପୁଣି ପ୍ରାଣ ହରାଇଛନ୍ତି ୨ଜଣ ଶିଶୁ । ମାଥିଲି ହାଟପଦା ସାହିର ୫ ବର୍ଷର ଶିଶୁ ଝାନସି ଭୂମିୟା ଓ କୋରୁକୁଣ୍ଡା ବ୍ଲକ ଡଙ୍ଗାଗୁଡା ଗାଁର ବାବୁଲା ବାଲସାର ମୃତ୍ୟୁ ହୋଇଛି । ଏହାସହ ୫୯ ଦିନରେ ମୃତ୍ୟୁ ସଂଖ୍ୟା ୯୭ରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
୨ମାସ ହେଲା ମାଲକାନଗିରି ଜିଲ୍ଲାରେ ଜାପାନୀ ଏନସେଫାଲାଇଟିସ ବ୍ୟାପିଥିବା ବେଳେ ଏହାକୁ ରୋକିବାରେ ବିଫଳ ହୋଇଛନ୍ତି ରାଜ୍ୟ ସରକାର । ନେତା, ମନ୍ତ୍ରୀଙ୍କ ଠାରୁ ଆରମ୍ଭ କରି ସ୍ୱାସ୍ଥ୍ୟ ସଚିବ ଓ କେନ୍ଦ୍ରୀୟ ପ୍ରତିନିଧି ଦଳ ମଧ୍ୟ ପ୍ରଭାବିତ ଅଂଚଳ ଗସ୍ତ କରିଛନ୍ତି । କିନ୍ତୁ ଜାପାନୀ ଏନସେଫାଲାଇଟିସକୁ ରୋକା ଯାଇପାରିନାହିଁ । ଜିଲ୍ଲା ମୁଖ୍ୟ ଡାକ୍ତରଖାନାରୁ ଜାପାନୀ ଜ୍ୱରରେ ଆକ୍ରାନ୍ତ କୌଣସି ଶିଶୁ ଏଯାଏଁ ସୁସ୍ଥ ହୋଇ ଘରକୁ ଫେରିନାହାନ୍ତି ।