ବରିଷ୍ଠ ଜେଡିୟୁ ନେତା ଶରଦ ଯାଦବ ଆରପାର ଲଢେଇ ଲଢିବା ମୁଡରେ : ନିଜ ସମର୍ଥକ ଗୋଷ୍ଠୀଙ୍କୁ ଏବେ ଅସଲି ଜେଡିୟୁ ଭାବେ ଉପସ୍ଥାପିତ କରିବାକୁ ପ୍ରସ୍ତୁତ
କନକ ବ୍ୟୁରୋ : ବରିଷ୍ଠ ଜେଡିୟୁ ନେତା ଶରଦ ଯାଦବ, ଆରପାର ଲଢେଇ ଲଢିବା ମୁଡରେ ଅଛନ୍ତି । ନିଜ ସମର୍ଥକ ଗୋଷ୍ଠୀଙ୍କୁ ଏବେ ଅସଲି ଜେଡିୟୁ ଭାବେ ଉପସ୍ଥାପିତ କରିବାକୁ ପ୍ରସ୍ତୁତ ହେଉଛନ୍ତି । ୧୪ଟି ରାଜ୍ୟର ଜେଡିୟୁ ଅଧ୍ୟକ୍ଷଙ୍କ ସମର୍ଥନ ଥିବା ସେ ଦାବି କରୁଛନ୍ତି । ଅନ୍ୟପଟେ ନୀତିଶ କୁମାରଙ୍କୁ ସମର୍ଥନ କେବଳ ବିହାରରେ ସୀମିତ ଥିବା କହିଛନ୍ତ ଶରଦ ଯାଦବଙ୍କ ସହଯୋଗୀ ଅରୁଣ ଶ୍ରୀବାସ୍ତବ ।
Kanak News is now on WhatsApp
Join and get latest news updates delivered to you via WhatsApp
ଅରୁଣ ଶ୍ରୀବାସ୍ତବ କହିଛନ୍ତି, ଖୋଦ୍ ନୀତିଶ କୁମାର ବିହାରକୁ ଛାଡି ଦେଲେ, ଅନ୍ୟ ରାଜ୍ୟରେ ଜେଡିୟୁର ଅସ୍ତିତ୍ୱ ନାହିଁ । ତେଣୁ ଏବେ ସମୟ ଆସିଛି ବିହାରରେ ନୀତିଶ ନୂଆ ଦଳ ଗଠନ କରନ୍ତୁ । ଶ୍ରୀବାସ୍ତଙ୍କ ଦାବି ୪ ରାଜ୍ୟର ଜେଡିୟୁ ଅଧ୍ୟକ୍ଷ ପତ୍ର ଲେଖି ଶରଦଙ୍କୁ ସମର୍ଥନ ଜଣାଇଛନ୍ତି, ୨ ରାଜ୍ୟସଭା ସଦସ୍ୟ ଓ କିଛି ରାଷ୍ଟ୍ରୀୟ ପଦାଧିକାରୀଙ୍କ ସମର୍ଥନ ବି ଅଛି । ତେଣୁ ଶୀଘ୍ର ନିର୍ବାଚନ କମିସନଙ୍କ ପାଖରେ ଜେଡିୟୁ ତାଙ୍କ ଦଳ ବୋଲି ଦାବି କରିପାରନ୍ତି ।
ସେପଟେ ଏନଡିଏ ସହ ମେଂଟ ପାଇଁ ଜେଡିୟୁ ମୁଖିଆ ନୀତିଶ କୁମାର ପ୍ରସ୍ତୁତ ହେଉଛନ୍ତି । ଅଗଷ୍ଟ ୧୯ରେ ଜେଡିୟୁର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ବସୁଛି । ଏଥିରେ ଔପଚାରିକ ଭାବେ ଏନଡିଏ ସହ ମେଂଟ ସଂପର୍କରେ ଘୋଷଣା କରାଯିବାର ସମ୍ଭାବନା ରହିଛି । ବିହାରରେ ବିଜେପି ସହ ସରକାର ଗଢିବା ପରେ ଏବେ କେନ୍ଦ୍ରରେ ବିଜେପିର ଅଂଶୀଦାର ଭାବେ ସରକାରରେ ସାମିଲ ହେବାକୁ ଜେଡିୟୁ ମନ ବଳାଇଛି ।