କୋରାପୁଟରେ ହେବ କାଣ୍ଟେକି ଟକ୍କର । ବିଜେଡି- କଂଗ୍ରେସକୁ ମାତ୍ ହେବା ପାଇଁ ଜୟରାମ ପାଙ୍ଗିଙ୍କୁ ମଇଦାନକୁ ଓହ୍ଲାଇଲା ବିଜେପି
କନକ ବ୍ୟୁରୋ: ୫୪ଟି ବିଧାନସଭା ଆସନ ପାଇଁ ପ୍ରାର୍ଥୀଙ୍କ ନାଁ ଘୋଷଣା କରିଛି ଏଆଇସିସି । କୋରାପୁଟ ପାଇଁ ପୂର୍ବରୁ ବିଜେଡ଼ି ଟିକେଟ୍ ଘୋଷଣା କରିଥିବା ବେଳେ କଂଗ୍ରେସ ଘୋଷଣା କରିଛି ପ୍ରାର୍ଥୀ । ଅନ୍ୟପଟେ ବିଜେପି ମଧ୍ୟ ପ୍ରାର୍ଥୀ ଘୋଷଣା କରିଛି। ତେବେ ତିନି ଦଳର ପ୍ରାର୍ଥୀ ତାଲିକା ସାମ୍ନାକୁ ଆସିବା ପରେ ସରଗରମ ହୋଇଉଠିଛି କୋରାପୁୁଟ ରାଜନୀତି ।
Kanak News is now on WhatsApp
Join and get latest news updates delivered to you via WhatsApp
କୋରାପୁଟ ଲୋକସଭା ଆସନରୁ ସପ୍ତଗିରି ଉଲ୍ଲାକାଙ୍କୁ କଂଗ୍ରେସ ଠିଆ କରିଥିବା ବେଳେ କୌଶଲ୍ୟା ହିକ୍କାଙ୍କୁ ବାଛିଛି ବିଜେଡି ଏବଂ ପରସ୍ପରକୁ ଟକ୍କର ଦେବାକୁ ବିଜେପି ଜୟରାମ ପାଙ୍ଗିଙ୍କୁ ମଇଦାନକୁ ଓହ୍ଲାଇଛନ୍ତି । ତେବେ ଏହି ଆସନରେ ମହିଳା କାର୍ଡ ଖେଳିଛନ୍ତି ବିଜେଡି ସୁପ୍ରିମୋ । ବିଜେଡି ସାଂସଦ ଝିହ୍ନ ହିକ୍କାଙ୍କ ପତ୍ନୀଙ୍କୁ ଟିକେଟ ଦେଇଛନ୍ତି ନବୀନ ପଟ୍ଟନାୟକ । କଂଗ୍ରେସ ପୂର୍ବତନ ସାଂସଦ ରାମଚନ୍ଦ୍ର ଉଲ୍ଲାକାଙ୍କ ପୁଅକୁ ଟିକେଟ୍ ଦେଇଛି ଦଳ । ରାମଚନ୍ଦ୍ର ଉଲ୍ଲାକା ଏହି ଆସନରୁ ଦୁଇ ଦୁଇ ଥର ସାଂସଦ ହୋଇଛନ୍ତି ।
ସେହିପରି ପୂର୍ବତନ ସାଂସଦ ଜୟରାମ ପାଙ୍ଗିଙ୍କୁ ଟିକେଟ ଦେଇଛି ବିଜେପି । ଜୟରାମ ବିଜେପିରେ ଯୋଗଦେବା ପୂର୍ବରୁ ବିଜେଡି ଟିକେଟରେ ଏହି ଆସନରୁ ସାଂସଦ ଭାବେ ନିର୍ବାଚିତ ହୋଇଥିଲେ । ତେବେ କୋରାପୁଟ ସଂସଦୀୟ କ୍ଷେତ୍ରର କେବଳ ବଡ ଚେହେରା ହେଉଛନ୍ତି ଜୟରାମ ପାଙ୍ଗୀ । ଯିଏକି ପୂର୍ବରୁ ବିଜୁ ଜନତା ଦଳର ଟିକେଟରୁ ସାଂସଦ ହିସାବରେ ନିର୍ବାଚିତ ହୋଇଥିଲେ ଏବଂ ପରବର୍ତ୍ତୀ ସମୟ ପାର୍ଟି ଟିକେଟ ନଦେବାକୁ ସେ ବିଜେଡି ଛାଡି ବିଜେପିରେ ସାମିଲ ହୋଇଥିଲେ । ତେବେ ଜୟରାମଙ୍କୁ ବିଜେପି ଟିକେଟ ଦେଇ ମଇଦାନକୁ ଓହ୍ଲାଇଛି । ତେଣୁ ଏହି ଆସନରେ କଡା ମୁକାବିଲା ହେବାର ସମ୍ଭାବନା ରହିଛି ।