କନକ ବ୍ୟୁରୋ : ବିଜେପିରେ ମିଶିବା ନେଇ ପ୍ରତିକ୍ରିୟା ରଖିଛନ୍ତି ପୂର୍ବତନ ସାଂସଦ ଜୟରାମ ପାଙ୍ଗୀ । କହିଛନ୍ତି ସେ ଦଳ ବିରୋଧୀ କାର୍ଯ୍ୟ କରିନଥିଲେ ସୁଦ୍ଧା ତାଙ୍କୁ ବିଜେଡିରୁ ନିଲମ୍ବିତ କରାଯାଇଛି । ଯାହା ତାଙ୍କୁ ବହୁତ ବାଧିଥିଲା । ତେବେ ସେ ଏହା ବି କହିଛନ୍ତି ନିଲମ୍ବିତ ହେବା ଦିନଠାରୁ ବିଜେପିରେ ମିଶିବାର ଥିଲା । ନିଲମ୍ବିତ ହେବାକୁ ୨ ମାସ ହେଲାଣି ହେଲେ ଏହାରି ଭିତରେ ବିଜେଡିର ଜଣେ ହେଲେ ବି ନେତା ତାଙ୍କ ସହ ଯୋଗାଯୋଗ କରିନହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେଡି ପାଇଁ ଜୟରାମ ପାଙ୍ଗୀଙ୍କ ଆବଶ୍ୟକତା ନାହିଁ, ମୋଦି ସରକାରଙ୍କ କାର୍ଯ୍ୟକଳାପ ମୋତେ ଭଲ ଲାଗୁଛି ତେଣୁ ଜାତୀୟ ଦଳରେ ସାମିଲ ହେଉଥିବା କହିଛନ୍ତି ବିଜେଡିରୁ ନିଲମ୍ବିତ ଜୟରାମ ପାଙ୍ଗୀ । ୪୦ ବର୍ଷର ରାଜନୈତିକ ଜୀବନ କାଳ ଭିତରେ ୨୦ ବର୍ଷ ବିଜୁ ପଟ୍ଟନାୟକଙ୍କ ସହ ରହିବା ସହ ୨୦ ବର୍ଷ ନବୀନ ପଟ୍ଟନାୟକଙ୍କ ରହିଥିଲେ । ତେବେ ୨୦୦୯ରୁ ନବୀନ ଓ ଜୟରାମଙ୍କ ଭିତରେ ଦୂରତା ସୃଷ୍ଟି କରିବା ପାଇଁ ଚକ୍ରାନ୍ତ କରାଯାଉଥିଲା । ଏନ.ଭାଷ୍କର ରାଓ ଓ ରବି ନାରାୟଣ ନନ୍ଦ ଚକ୍ରାନ୍ତକାରୀ ବୋଲି କହିଛନ୍ତି ଜୟରାମ ପାଙ୍ଗୀ ।