ଜଗନ୍ନାଥ ଦର୍ଶନ, ବିଜୁବାବୁଙ୍କ ସମାଧୀରେ ଶ୍ରଦ୍ଧାଂଜଳି ଦେଲେ ସାଂସଦ : ପରବର୍ତ୍ତୀ ପଦକ୍ଷେପ ପାଇଁ ଅଂଟା ଭିଡିଲେ ବୈଜୟନ୍ତ ପଣ୍ଡା
କନକ ବ୍ୟୁରୋ : ବିଜେଡିରୁ ବୈଜୟନ୍ତ ବିଦା ହେବା ପରେ ଟ୍ୱିଟ୍ ଯୋଗେ ଯେଉଁ ବାର୍ତା ରଖିଥିଲେ, ଠିକ୍ ସେହି ଅନୁସାରେ ଆଗକୁ ବଢିଛନ୍ତି କେନ୍ଦ୍ରାପଡ଼ା ସାଂସଦ । ଜଗନ୍ନାଥଙ୍କ ଦର୍ଶନ ପରେ ବିଜୁ ବାବୁଙ୍କ ସମାଧି ପୀଠରେ ଶ୍ରଦ୍ଧାଞ୍ଜଳି ଦେଇ, ବିଜେଡି ବିରୁଦ୍ଧରେ ଲଢ଼େଇ ଲଢ଼ିବାକୁ ବାହାରି ଆସିଛନ୍ତି ବୈଜୟନ୍ତ ପଣ୍ଡା । ମୋଦି ଏବଂ ବିଜେପି ସରକାରଙ୍କୁ ଅନେକ ସମୟରେ ଖୋଲାଖୋଲି ପ୍ରଶଂସା କରୁଥିବା ବୈଜୟନ୍ତ ପଣ୍ଡା, ଶଙ୍ଖ ବଦଳରେ ପଦ୍ମକୁ ବାଛି ନେବେ କି? ବୈଜୟନ୍ତ ଓ ବିଜେଡି ବିବାଦ ପଟ୍ଟଭୂମୀରେ ଏବେ ଓଡ଼ିଶାର ରାଜନୀତି କଡ଼ ଲେଉଟାଉଥିବା ନେଇ ଚର୍ଚ୍ଚା ହେଉଥିବା ବେଳେ ବିଜେପିକୁ ଅଛୁଆଁ ବୋଲି ବି ଗ୍ରହଣ କରି ନାହିଁନ୍ତି କେନ୍ଦ୍ରପଡ଼ା ସାଂସଦ ।
Kanak News is now on WhatsApp
Join and get latest news updates delivered to you via WhatsApp
ଗୋଳମାଳିଆ ପରିସ୍ଥିତି ଥିବାରୁ ଏବେ କିଛି ସ୍ପଷ୍ଟ କହିବାକୁ ସାଂସଦ ମଙ୍ଗୁ ନାହାଁନ୍ତି ସତ, କିନ୍ତୁ ବିଜେପିକୁ ନଯିବା ନେଇ ମଧ୍ୟ ଖୋଲାଖୋଲି କହୁ ନାହାଁନ୍ତି । ଆଉ ଏହାରି ଭିତରେ ପୁଣି ସିଧାସଳଖ ବିଜେଡିର ଦଳୀୟ ସମ୍ବିଧାନ ଉପରେ ଉଠାଇଛନ୍ତି ପ୍ରଶ୍ନ । କହିଛନ୍ତି- ୩ବର୍ଷ ହେଲା ଦଳୀୟ ସମ୍ବିଧାନ ଠିକ୍ ଭାବରେ ଚାଲୁନାହିଁ । ଯାହା ଦଳରେ ଘଟୁଛି କିମ୍ବା ଘଟୁଥିଲା ତାକୁ ହିଁ ବୟାନ କରୁଥିଲେ, ଯାହା ଅପ୍ରୀୟ ସତ ଥିଲା । ଆଉ ଏହି ଅପ୍ରୀୟ ସତ ପାଇଁ ବିଜେଡି ଓ ବୈଜୟନ୍ତଙ୍କ ଦୂରତ୍ୱର କାରଣ ବୋଲି କହିଛନ୍ତି କେନ୍ଦ୍ରାପଡ଼ା ସାଂସଦ । ହେଲେ ବିଜେଡି କିନ୍ତୁ ବୈଜୟନ୍ତ ନିର୍ବାଚନୀ ସତ୍ୟପାଠରେ ସତ ଲୁଚାଇଥିବା ନେଇ ଅଭିଯୋଗ କରିଛି ।
ଗୋଟିଏ ପଟେ ଦଳରୁ ବିଦା କରିବା ପାଇଁ ବିଜେଡି ତାଙ୍କୁ ଇସ୍ତଫା ଦେବା ପାଇଁ ଚାପ ପକାଉଥିବା ବେଳେ ଅନ୍ୟପଟେ ନିଜ ସମର୍ଥକଙ୍କୁ ନେଇ କେନ୍ଦ୍ରପଡ଼ାରେ ଦମ୍ ଦେଖାଇଛନ୍ତି ବୈଜୟନ୍ତ । ଯାହା ଏବେ ଟଳରା ଟକରି ଭଳି ସ୍ଥିତି ସୃଷ୍ଟି କରିଛି ।