ଜଗତସିଂହପୁର : ଯାଜପୁର ପରେ ଆଜି ଜଗତସିଂହପୁରରେ ‘ଜୟ କିଶାନ’ ସମାବେଶ । ପ୍ରାଇସ୍, ପ୍ରେଷ୍ଟିଜ,ଓ ପେନସନ୍ ଦାବିରେ “ନବ ନିର୍ମାଣ କୃଷକ ସଂଗଠନ’ପକ୍ଷରୁ ସଂଗ୍ରାମ ଜାରି ରହିଛି । ଜଗତସିଂହପୁର ଜିଲ୍ଲାପାଳଙ୍କ ଅଫିସ ସମୁଖ ପଡିଆରେ ଏକାଠି ହୋଇଛନ୍ତି ହଜାର ହଜାର ଚାଷୀ । ୬ ବର୍ଷ ହେବ ଚାଷୀଙ୍କ ଉତ୍ପାଦିକ ଦ୍ରବ୍ୟର ଉଚିତ୍ ମୂଲ୍ୟ, ଚାଷୀର ସମ୍ମାନ ଓ ପେନସନ୍ ଦାବିରେ ସଂଗ୍ରାମ କରୁଛି “ନବ ନିର୍ମାଣ କୃଷକ ସଂଗଠନ’।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲାପାଳଙ୍କ ଜରିଆରେ ଚାଷୀଙ୍କ ସମସ୍ୟାର ସମାଧାନ ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ଦିଆଯିବାର କାର୍ଯ୍ୟକ୍ରମ ରହିଛି । ହଜାର ହଜାର ଚାଷୀ ଏକାଠି ହୋଇ ଗାନ୍ଧିଛକରୁ ରାଲିରେ ବାହାରି ଜିଲ୍ଲାପାଳଙ୍କ ପଡିଆରେ ପଂହଚି ଜିଲ୍ଲାପାଳଙ୍କ ଅଫିସ ଘେରାଉ କରିଛନ୍ତି ।
ସରକାର ଚାଷ ପାଇଁ ଆବଶ୍ୟକ ସାର ବିହନ ଦର ବଢାଉଥିବା ବେଳେ ଚାଷୀ ଉତ୍ପାଦିତ ଦ୍ରବ୍ୟର ଉପଯୁକ୍ତ ମୂଲ୍ୟ ଦେଉନଥିବା ଅଭିଯୋଗ କରିଛନ୍ତି ଆନ୍ଦୋଳନକାରୀ । ସରକାର ଚାଷୀଙ୍କ ଦାବି ପୂରଣ ନକରିବା ଯାଏଁ ଏ ସଂଗ୍ରାମ ଜାରି ରହିବ ବୋଲି କହିଛନ୍ତି “ନବ ନିର୍ମାଣ କୃଷକ ସଂଗଠନ’ର ଉପଦେଷ୍ଟା ସୌମ୍ୟ ରଂଜନ ପଟ୍ଟନାୟକ।