ଚିଲିକାରେ ବୈଜୟନ୍ତଙ୍କ ହେଲିକପ୍ଟର ଉଡିବା ପ୍ରସଙ୍ଗ : ତଦନ୍ତ କରିବା ନେଇ ସୁଚନା ଦେଲେ ଭୁବନେଶ୍ୱର ବିମାନ ବନ୍ଦର ନିର୍ଦ୍ଦେଶକ ,ତଦନ୍ତ କରିବେ ଡିଜିସିଏ
କନକ ବ୍ୟୁରୋ: ଚିଲିକାରେ ବୈଜୟନ୍ତ ପଣ୍ଡାଙ୍କ ହେଲିକପ୍ଟର ଉଡିବା ପ୍ରସଙ୍ଗରେ ମାମଲା ରୁଜୁ କରିଛି ପୋଲିସ । ଚିଲିକା ପରିବେଶ ଓ ପର୍ଯ୍ୟଟନ ମହାଂସଘର ଏତଲା ଆଧାରରେ ଏହି ମାମଲା ହୋଇଛି । ମହାସଂଘ ଅଭିଯୋଗ କରିଥିଲା , ଗତ ୧୫ ତାରିଖରେ ଚିଲିକା ଉପରେ ବେଆଇନ ହେଲିକପ୍ଟର ଉଡିବା ସମ୍ପର୍କରେ ଅରଖକୁଦା ମେରାଇନ ଥାନାରେ ଲିଖିତ ଅଭିଯୋଗ ହୋଇଥିଲା । ଏଥିରେ ଦର୍ଶାଯାଇଥିଲା ଯେ, ଏହିଦିନ ସକାଳ ୯ଟା ୧୩ ମିନିଟ ସମୟରେ ଧଳାରଙ୍ଗର ଏକ ହେଲିକପ୍ଟର ମୀର୍ଜାପୁର ଗ୍ରାମ ସାମ୍ନାରେ ଏତେ ନିକଟବର୍ତୀ ହୋଇଥିଲା ଯେ ତାହା ଚିଲିକା ପାଖରେ ନିକଟବର୍ତୀ ହୋଇଥିଲା ବୋଲି ମନେହୋଇଥିଲା । ଏହା ଚିଲିକା ପରିବେଶ ଉପରେ କୁପ୍ରଭାବ ପକାଇଥିଲା । ଏଭଳି ଘଟଣା ଇତିହାସରେ କେବେ ହୋଇନଥିବା ଏଥିରେ ଦର୍ଶାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ଚିଲିକାରେ ହେଲିକପ୍ଟର ଉଡାଇବା ଅଭିଯୋଗରେ ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ନାଁରେ ମାମଲା ରୁଜୁ କରିଛି ପୁରୀ ପୋଲିସ । ଏହା ସହ ବୈଜୟନ୍ତ ପଣ୍ଡାଙ୍କ ହେଲିକପ୍ଟରକୁ ସିଜ୍ କରିଛି ପୋଲିସ୍ । ଚିଲିକାର ନୋ ଫ୍ଲାଇଙ୍ଗ୍ ଜୋନରେ ହେଲିକପ୍ଟର ଉଡାଇବା ଅଭିଯୋଗରେ ଏହାକୁ ସିଜ୍ କରିଛି ପୋଲିସ୍ । ଆଜି ଏ ସମ୍ପର୍କରେ ପଚରାଉଚରା ପାଇଁ ଇମ୍ଫା କର୍ତୃପକ୍ଷଙ୍କୁ ବି ପୁରୀ ପୋଲିସ ଡାକିଛି । ଅଭିଯୋଗ ଅନୁସାରେ, ବୈଜୟନ୍ତ ପଣ୍ଡା ଅଭିଜିତ ଆୟାର ମିତ୍ର ଓ ଟିକୁ ସିଂଙ୍କୁ ଚିଲିକା ବୁଲାଇବାକୁ ନେଇଥିଲେ । ତେଣୁ ଏହି ଦୁଇଜଣଙ୍କୁ ବି ପୋଲିସ ପଚରାଉଚରା କରିବ । ବୈଜୟନ୍ତ ପଣ୍ଡା ଚିଲିକା ପାଣି ଉପରକୁ ବିମାନ ଖସାଇଥିଲେ । ଯଦିଓ ଗରଦପୁର, କୋଣାର୍କ ଓ ପୁରୀ ଆକାଶରେ ବିମାନ ଉଡାଇବାକୁ ସେ ଅନୁମତି ପାଇଥିଲେ, କିନ୍ତୁ ବେଆଇନ ଭାବେ ଚିଲିକା ଆକାଶକୁ ଯାଇଥିଲେ ।
ସେ କହିଛନ୍ତି ଡିଜିସିଏ ରିପୋର୍ଟ ଆଧାରରେ ତଦନ୍ତ ଆଗକୁ ବଢ଼ିଥିଲା । ହେଲିକପ୍ଟରରେ ବୈଜୟନ୍ତଙ୍କ ସମେତ ୨ଜଣ ଥିଲେ । ସମସ୍ତଙ୍କ ବୟାନ ରେକର୍ଡ କରାଯିବ । ଏନେଇ ତଦନ୍ତ ଜାରି ରହିଛି । ଇମ୍ଫାର ହ୍ୟାଙ୍ଗର ବା ପାର୍କିଂ ଅଂଚଳକୁ ସିଲ୍ କରିଛି ପୋଲିସ୍ । ଏହା ଧାର୍ଯ୍ୟ ଉଚ୍ଚତାରୁ ତଳେ ଉଡିଥିଲା କି ନାହିଁ, ତାହାର ତଥ୍ୟ ବ୍ଲାକବକ୍ସ ମିଳିଥିବା ତଥ୍ୟରୁ ସ୍ପଷ୍ଟ ହୋଇଯିବ ବୋଲି କୁହାଯାଇଛି । ଏନେଇ ପୁରୀ ମେରାଇନ ଥାନାରେ ଅଭିଯୋଗ କରିଥିଲେ ଚିଲିକା ଉନ୍ନୟନ କର୍ତୁପକ୍ଷ ଏସିଏଫ୍ ବିନୋଦ ଆଚାର୍ଯ୍ୟ । ଏପରିକି ନିକଟସ୍ଥ ଅଂଚଳରେ ଲ୍ୟାଣ୍ଡ କରିବାକୁ ହେଲିକପଟରର ପାଇଲଟ ଚେଷ୍ଟାକରିଥିଲେ ବୋଲି କୁହାଯାଇଥିଲା । ନୋ ଫ୍ଲାଇଙ୍ଗ ଓ ଇକୋ ସେନସିଟିଭ ଜୋନରେ ହେଲିକପ୍ଟର ଉଡିବା ପରେ ଆପତି ଉଠାଇଛି ସିଡିଏ । ଏହା ଲୋକଙ୍କ ଜୀବନ ଖାସ୍ କରି ପର୍ଯ୍ୟଟକ ଓ ଡଲଫିନ୍ଙ୍କ ପାଇଁ ବିପଦ ନେଇ ଆସିଥିଲା ବୋଲି କୁହାଯାଉଛି।