ଏଠାରେ ପ୍ରାୟ ୬୯,୭୮୫ ଲୋକ ଶହେ ବର୍ଷରୁ ଅଧିକ ବୟସ ଜୀବିତ ରହିଛନ୍ତି । ଜାଣନ୍ତୁ ଏହା ପଛରେ କଣ ରହିଛି ରହସ୍ୟ, ଆପଣ ବି ବଢାଇ ପାରିବେ ନିଜର ଆୟୁସ ।
ଯାପାନରେ ପ୍ରାୟ ୬୯,୭୮୫ ଲୋକ ଶହେ ବର୍ଷରୁ ଅଧିକ ବୟସ ବଞ୍ଚିଥିବା କଥା ଏକ ଆକଳନରୁ ସାମ୍ନାକୁ ଆସିଛି । ଏଠାରେ ହଜାର ହଜାର ଲୋକ ଶହେ ବର୍ଷରୁ ଅଧିକ ବୟସ ବଞ୍ଚି ରହିଛନ୍ତି । ଯେଉଁଥିରେ ପ୍ରାୟ ୮୮.୧ ପ୍ରତିଶତ ମହିଳା ରହିଛନ୍ତି । ସରକାର ମଧ୍ୟ ଏହି ସୂଚନା ପ୍ରଦାନ କରି କହିଛନ୍ତି କି, ଯାପାନରେ ଏତେ ଲୋକ ଶହେ ବର୍ଷରୁ ଅଧିକ ବୟସ ଜୀବିତ ରହିବାର କାରଣ ସ୍ୱାସ୍ଥ୍ୟ ସେବାରେ ଆସିଥିବା ଉନ୍ନତି ଏବଂ ଲୋକଙ୍କ ମଧ୍ୟରେ ସ୍ୱାସ୍ଥ୍ୟକୁ ନେଇ ବଢୁଥିବା ଜାଗ୍ରୁକତା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ରିପୋର୍ଟ ଅନୁଯାୟୀ, ଯାପାନରେ ୧୦୦ରୁ ଅଧିକ ବର୍ଷ ବଞ୍ଚିଥିବା ଲୋକଙ୍କ ସଂଖ୍ୟା ୬୯,୭୮୫ ହୋଇଥିବା ବେଳେ ଏଥିରେ ମହିଳାଙ୍କ ସଂଖ୍ୟା ୬୧,୪୫୪ ଏବଂ ପୁରୁଷଙ୍କ ସଂଖ୍ୟା ୮,୩୩୧ ରହିଛି । ଏଥିରେ ପୂର୍ବତନ ପ୍ରଧାନମନ୍ତ୍ରୀ ୟୀସୁହିରୋ ନାକାସୋନେ ମଧ୍ୟ ସାମିଲ ରହିଛନ୍ତି । ଯାପାନରେ ୧୯୭୧ରୁ ଲୋକଙ୍କ ବୟସ ବଢିବାରେ ଲାଗିଛି । ତେଣୁ ସରକାରଙ୍କ ଆଶା ଅଛି କି, ଏହି ପ୍ରକ୍ରିଆ ଆଗକୁ ମଧ୍ୟ ଜାରି ରହିବ । ଏବଂ ଆସନ୍ତା ୧୦ ବର୍ଷ ମଧ୍ୟରେ ଏହି ସଂଖ୍ୟା ବଢି ୧ ଲକ୍ଷରେ ପହଞ୍ଚିବ ।