ଘୁଞ୍ଚିଲା ଅଯୋଧ୍ୟା ଶୁଶାଣି ! ଆସନ୍ତା ୧୦ରେ ଗଠନ ହେବ ନୂଆ ବେଞ୍ଚ
କନକ ବ୍ୟୁରୋ : ଅଯୋଧ୍ୟା–ବାବ୍ରୀ ମସଜିଦ ଭୂମି ବିବାଦ ମାମଲାର ଶୁଣାଣି ଟଳିଯାଇଛି । ଆସନ୍ତା ୧୦ ତାରିଖକୁ ଟଳିଛି ଏହି ଶୁଣାଣି । ୧୦ ଜାନୁଆରୀରୁ ମାମଲାର ପରବର୍ତ୍ତୀ ଶୁଣାଣି ହେବ । ଏହି ଦିନ ୩ ଜଣ ବିଚାପତିଙ୍କୁ ନେଇ ଗଠିତ ହେବ ବେଂଚ ଆଉ ନୂଆ ବେଂଚର ବିସ୍ତୁତ ତଥ୍ୟ ୧୦ ଜାନୁଆରୀରରେ ହିଁ ଜଣାପଡିବ । ଆସନ୍ତା ଗୁରୁବାର ଅର୍ଥାତ ୧୦ ତାରିଖରେ ଜଣାପଡିବ ନୂଆ ବେଂଚର କେଉଁ କେଉଁ ବିଚାରପତି ରହିବେ । ଆଉ ଏହି ନୂଆ ବେଂଚ ୧୦ ତାରିଖରୁ ଏହାର ଶୁଣାଣି କରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ମାମଲାର ନିୟମିତ ଶୁଣାଣି ହେବ ନା ନାହିଁ ସେ ବିଷୟରେ ନୂଆ ବେଂଚ ସ୍ଥିର କରିବ । ନୂଆ ବେଂଚ ଶୁଣାଣିର ରୂପରେଖ ପ୍ରସ୍ତୁତ କରିବ । ୨୦୧୦ ମସିହାରେ ଆହ୍ଲାବାଦ ହାଇକୋର୍ଟ ଦେଇଥିବା ରାୟ ବିରୋଧରେ ଏହି ଆବେଦନ କରାଯାଇଛି । ଆହ୍ଲାବାଦ ହାଇକୋର୍ଟ ବିବାଦୀୟ ୨.୭୭ ଏକର ଜମିକୁ ସୁନି ୱାକପ୍ ବୋର୍ଡ, ନିର୍ମୋହି ଆଖଡ଼ା ଏବଂ ରାମଲାଲାଙ୍କ ମଧ୍ୟରେ ସମାନ ଭାବରେ ବାଂଟିଥିଲେ । ଏହା ବିରୋଧରେ ୧୪ଟି ଆବେଦନ ସୁପ୍ରିମକୋର୍ଟରେ କରାଯାଇଛି । ଗତବର୍ଷ ଅକ୍ଟୋବର ୨୯ ତାରଖରେ ଏହି ମାମଲା ସୁପ୍ରିମକୋର୍ଟକୁ ଆସିଥିଲା । ତେବେ ପ୍ରଧାନ ବିଚାରପତି ଏହି ମାମଲାକୁ ଜାନୁୟାରୀ ମାସକୁ ଘୁଂଚାଇ ଦେଇଥିଲେ ।