ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀଙ୍କ ସୁରକ୍ଷାରେ ତ୍ରୁଟି: ଗାର୍ଡଙ୍କୁ ଧକ୍କା ଦେଇ କାର ସହ ବାସଭବନ ଭିତରକୁ ଧସେଇ ପଶିଲା ଅଜଣା ବ୍ୟକ୍ତି
କନକ ବ୍ୟୁରୋ : ଜମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ସୁରକ୍ଷାରେ ତ୍ରୁଟି ପରିଲକ୍ଷିତ ହୋଇଛି । ଆଜି ଜମ୍ମୁ ସ୍ଥିତ ଅବଦୁଲ୍ଲାଙ୍କ ବାସଭବନକୁ ଏକ କାର ଧସେଇ ପଶିଥିଲା । ଅବଦୁଲ୍ଲାଙ୍କ ବାସଭବନର ଗେଟରେ ପହଂଚିବା ଆଗରୁ ସୁରକ୍ଷା କର୍ମୀଙ୍କ ଗୁଳିରେ ଡ୍ରାଇଭର ଜଣକର ମୃତ୍ୟୁ ହୋଇଛି । ମୃତକକୁ ଚିହ୍ନଟ କରାଯାଇପାରିନାହିଁ, ତେବେ ମୃତକ ଜଣକ ପୁନ୍ଛ ଜିଲ୍ଲାର ମେନ୍ଧର ଅଂଚଳର ବୋଲି ପୋଲିସ ପ୍ରାଥମିକ ଭାବରେ ସୂଚନା ଦେଇଛି । ତେବେ କାହିଁକି ଫାରକୁ ଅବଦୁଲ୍ଲାଙ୍କ ଘରକୁ କାରଟି ଧସେଇ ପଶିଥିଲେ ତାହା ଜଣାପଡି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳେ ଫାରୁକ ଅବଦୁଲ୍ଲାଙ୍କ ବାସଭବନର ମୁଖ୍ୟ ଗେଟର ସୁରକ୍ଷା ଦାୟିତ୍ୱରେ ଥିବା ଗାର୍ଡଙ୍କୁ ଧକ୍କା ଦେଇ କାର ସହ ଭିତରକୁ ପ୍ରବେଶ କରୁଥିବା ସମୟରେ ସେଠାରେ ସୁରକ୍ଷା ଦାୟିତ୍ୱରେ ଥିବା ଗାର୍ଡ ମଝ୍ୟ ଆହତ ହୋଇଥିବା ସୂଚନା ମିଳିଛି । ତେବେ ଜାମୁରେ ଆଜି ସକାଳୁ ହିଁ ସେନାର ଗୋଳିରେ ୪ ଆତଙ୍କବାଦୀଙ୍କ ମୃତ୍ୟୁ ହୋଇଛି । ତେଣୁ ପୂର୍ବତନ ମୁଖ୍ୟମନ୍ତ୍ରୀଙ୍କ ଘରକୁ କେଉଁ ପରିସ୍ଥିତିରେ ଅଜଣା ବ୍ୟକ୍ତି କାର ପଶାଉଥିଲେ ତାହାର ତଦନ୍ତ ହେବ ବୋଲି ସ୍ଥାନୀୟ ପୋଲିସ ଅଧିକାରୀ ସୂଚନା ଦେଇଛନ୍ତି ।