ସହିଦ୍ ଇନସ୍ପେକ୍ଟରଙ୍କ ଅନ୍ତିମ ବିଦାୟ ସମୟରେ ୪ ବର୍ଷର ପୁଅକୁ କୋଳରେ ଧରି କାନ୍ଦିବାକୁ ଲାଗିଲେ ଶ୍ରୀନଗର ଏସଏସପି ! ଫଟୋ ହେଲା ଭାଇରାଲ୍ ।
ଜମ୍ମୁ କାଶ୍ମୀରର ଅନନ୍ତନାଗରେ ଗତ ବୁଧବାର ହୋଇଥିବା ଆତଙ୍କବାଦୀ ଗୁଳିବିନିମୟରେ ଗୁରୁତର ଆହତ ହୋଇଥିବା ସଦର ଏସଏଚଓ ଅରଶଦ୍ ଖାନ୍ ହସ୍ପିଟାଲ୍ ରେ ଚିକିତ୍ସା ହେବା ସମୟରେ ଜୀବନ ଯୁଦ୍ଧରେ ହାରିଯାଇଛନ୍ତି ଏବଂ ରବିବାର ସେ ସହିଦ୍ ହୋଇ ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅରଶଦ୍ ଙ୍କ ପାର୍ôଥବ ଶରୀରକୁ ଯେତେବେଳେ ଅନ୍ତିମ ସଲାମ୍ ଦେବା ପାଇଁ ଅଣାଗଲା ସେତେବେଳେ ଶ୍ରୀନଗର ଏସଏସପି ଡା.ଏମ୍ ହସିବ୍ ମୁଗଲ୍ ତାଙ୍କ ନିଷ୍ପାପ ଶିଶୁକୁ କୋଳରେ ଧରି ଭାବୁକ ହୋଇଯାଇଥିଲେ ଏବଂ ତାଙ୍କ ଆଖିରୁ ଅଶ୍ରୁ ବାହାରି ଆସିଥିଲା ।
ଏସଏସପି ଡା.ଏମ୍ ହସିବ୍ ମୁଗଲ୍ ସହିଦ୍ ଅରଶଦ୍ ଖାନ୍ ଙ୍କ ପୁଅ ନା କେବଳ ଆଲିଙ୍ଗନ କଲେ କୋଳକୁ ଉଠାଇ ଗେଲ କରୁଥିବାର ମଧ୍ୟ ନଜର ଆସିଥିଲେ । ଅନ୍ୟପକ୍ଷରେ ଅରଶଦ୍ ନିଜ ପିତାଙ୍କ ଅନ୍ତିମ ବିଦାୟକୁ ଦେଖି ମଧ୍ୟ କିଛି ଜାଣି ପାରୁନଥିଲେ । ଏସବୁ ଦେଖି ସେଠାରେ ଉପସ୍ଥିତ ଥିବା ଅନ୍ୟ ପୋଲିସ୍ ଅଫିସରଙ୍କ ଆଖିରୁ ମଧ୍ୟ ଅଶ୍ରୁ ବାହାରି ଆସିଥିଲା । ଆପଣଙ୍କୁ କହିରଖୁଛୁ କି ୧୨ ଜୁନ୍ ସନ୍ଧ୍ୟାରେ ବାଇକ୍ ରେ ବସି କିଛି ଆତଙ୍କବାଦୀ ସିଆରପିଏଫ୍ ଙ୍କ ପେଟ୍ରୋଲିଂ ଗାଡି ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ସିଆରପିଏଫର ୫ ଜଣ ଯବାନ୍ ସହିଦ୍ ହୋଇଗଲେ । ଅରଶଦ୍ ଙ୍କ ପରେ ଏହି ସଂଖ୍ୟା ୬ ରେ ଆସି ପହଂଚିଥିଲା । ଅରଶଦ୍ ଜମ୍ମୁ-କାଶ୍ମୀର ପୋଲିସ୍ ବିଭାଗରେ କାର୍ଯ୍ୟରତ ଥିଲେ ।
ଆତଙ୍କବାଦୀମାନେ ଆକ୍ରମଣ ଅନନ୍ତନାଗର ଏକ ବସଷ୍ଟାଣ୍ଡରେ କେପି ରୋଡ୍ ରେ କରିଥିଲେ । ଯେଉଁଥିରେ ୫ ଜଣ ଯବାନ୍ ସହିଦ୍ ହୋଇଯାଇଥିଲେ ଏବଂ ଅରଶଦ୍ ଗମ୍ଭୀର ରୁପରେ ଆହତ ହୋଇଥିଲେ । ଯବାବରେ ସୁରକ୍ଷାବଳ ମଧ୍ୟ ଜଣେ ଆତଙ୍କବାଦୀଙ୍କୁ ମାରି ଗଡାଇଥିଲେ । ନିହତ ହୋଇଥିବା ଆତଙ୍କବାଦୀଙ୍କ ପାଖରୁ ବିଦେଶୀ ବସ୍ତୁ ଜବତ ହୋଇଥିଲା । ଅରଶଦ୍ ଙ୍କ ଛାତିରେ ଗୁଳି ବାଜିଥିବା ବେଳେ ତାଙ୍କୁ ଏମ୍ସରେ ଭର୍ତ୍ତି କରାଯାଇଥିଲା ।
ଅଲ୍ ଉମର୍ ମୁଜାହିଦ୍ଦିନ୍ ନାମକ ଆତଙ୍କୀ ସଂଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରିଥିଲା । ମୂଳ ରୁପରେ କାଶ୍ମୀରରେ ରହୁଥିବା ପାକ୍ ଆତଙ୍କବାଦୀ ମୁସ୍ତାକ୍ ଅହମ୍ମଦ ଜରଗର ଏହି ସଂଗଠନର ମୁଖିଆ ଅଟେ ।