ଜମ୍ମୁର ଆର୍ମି କ୍ୟାମ୍ପ ଉପରେ ଆତଙ୍କବାଦୀ ଆକ୍ରମଣ ! ଜାଲି କାଟି କ୍ୟାମ୍ପ ଭିତରେ ପଶି ଆତଙ୍କୀଙ୍କ ଆଖିବୁଜା ଫାୟାରିଂ, ୩ ଯବାନ ଆହତ
କନକ ବ୍ୟୁରୋ : ଜମ୍ମୁ-କାଶ୍ମୀରରେ ପୁଣି ବଡ ଆତଙ୍କବାଦୀ ଆକ୍ରମଣ । ଏଥର ସେନା କ୍ୟାମ୍ପକୁ ଟାର୍ଗେଟ କରିଛନ୍ତି ଆତଙ୍କବାଦୀ । ଜମ୍ମୁର ସୁଜୁଆନା ସେନା କ୍ୟାମ୍ପରେ ଏହି ଆତଙ୍କବାଦୀ ଆକ୍ରମଣ ହୋଇଛି । ଏଥିରେ ୩ ଜଣେ ଯବାନ ଆହତ ହୋଇଛନ୍ତି । ଜଣେ ଯବାନଙ୍କ ପୁଅ ବି ଆହତ ହୋଇଥିବା ଖବର ମିଳିଛି । ଭୋର ପ୍ରାୟ ୫ଟାରେ ଏହି ଆତଙ୍କବାଦୀ ଆକ୍ରମଣ ହୋଇଛି । ପ୍ରାଥମିକ ରିପୋର୍ଟ ଅନୁସାରେ- ଜାଲିକୁ କାଟି ପ୍ରାୟ ୪ରୁ ୫ ଜଣ ଆତଙ୍କବାଦୀ ଆର୍ମି କ୍ୟାମ୍ପରେ ପଶିଥିଲେ । ତାପରେ ଆଖିବୁଜା ଗୁଳିଚାଳନା କରିଥିଲେ । ସେନାର କ୍ୱିକ ଆକ୍ସନ ଟିମ ଏହାର ଜବାବ ଦେଇଥିଲା । ଏହି ଘଟଣା ପରେ ଜମ୍ମୁରେ ରେଡଆଲର୍ଟ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଆଜି ପ୍ରତ୍ୟୁଷରେ ଆତଙ୍କବାଦୀମାନେ କ୍ୟାମ୍ପ୍ ମଧ୍ୟକୁ ବଳପୂର୍ବକ ପ୍ରବେଶ କରି ଗୁଳି ଚଳାଇଥିଲେ ବୋଲି ଜମ୍ମୁ ଆଇଜିପି ଏସଡି ସିଂହ ଜାମଓ୍ଵାଲ୍ କହିଛନ୍ତି । ବହୁ ଏକର ଜମିରେ ଅବସ୍ଥିତ ଏହି ମିଲଟାରି ଷ୍ଟେସନ୍ ଜମ୍ମୁର ମଧ୍ୟ ଭାଗରେ ଅବସ୍ଥିତ । ସେଠାରେ ଆବାସିକ କ୍ୱାଟର୍ସ ଏବଂ ସ୍କୁଲ୍ ରହିଛି । ଏ ବର୍ଷ ପ୍ରଥମ ଥର ପାଇଁ ଜମ୍ମୁ ଓ କଶ୍ମୀରରେ ହୋଇଥିବା ଏହି ଆକ୍ରମଣ ଫିଦାୟୀନ୍ ଆକ୍ରମଣ ହୋଇ ଥାଇ ପାରେ ବୋଲି ମନେ କରାଯାଉଛି । ପାହାନ୍ତା ପ୍ରାୟ ୪. ୫୫ ମିନିଟରେ ସେଠାରେ ସନ୍ଦିଗ୍ଧ ଯାତାୟାତ ଦୃଷ୍ଟିକୁ ଆସିଥିଲା । କେତେ ସଂଖ୍ୟକ ଆତଙ୍କବାଦୀ ଆକ୍ରମଣ କରିଥିଲେ ସେ ସମ୍ବନ୍ଧରେ ସେ କୌଣସି ସୂଚନା ଦେଇ ନାହାନ୍ତି । କ୍ୟାମ୍ପ୍ ଭିତରୁ ଗୁଳି ଫୁଟିବା ଶବ୍ଦ ଶୁଭୁଥିଲା ଏବଂ ସେ ଅଞ୍ଚଳକୁ ନିରାପତ୍ତା ବଳ କର୍ଡନ କରିଛନ୍ତି।