କମ୍ପ୍ୟୁଟର ଦୋକାନରେ କଳାକାରବାର: ବାହାରକୁ କମ୍ପ୍ୟୁଟର ଦୋକାନ, ଭିତରେ ଗଞ୍ଜେଇର ଗନ୍ତାଘର । ଟାର୍ଗେଟରେ ଥିଲେ କଲେଜ ପିଲା
କନକ ବ୍ୟୁରୋ: ବାହାରକୁ କମ୍ପ୍ୟୁଟର ଦୋକାନ କିନ୍ତୁ ଭିତରେ ଗଞ୍ଜେଇ ଓ ଅଫିମର ଗନ୍ତାଘର । ଏଭଳି ଏକ ଦୋକାନରେ ଗଞ୍ଜେଇ କାରବାର ହେଉଥିବାର ସୂଚନା ପାଇବା ପରେ ଯାଜପୁର ଟାଉନ ଥାନା ପୁଲିସ ଚଢ଼ାଉ କରିଛି । କଲେଜ ନିକଟରେ କମ୍ପ୍ୟୁଟର ଦୋକାନ ଆଳରେ ଏହାରି ଭିତରେ ବେଆଇନ ଅବକାରୀ କାରବାର କରି କଲେଜ ପିଲାଙ୍କୁ ବ୍ୟବସାୟୀ ନିଶାଡି କରାଉଥିଲେ । ହେଲେ ଏଭଳି ଏକ ବ୍ୟବସାୟକୁ ଆଜି ଭଣ୍ଡୁର କରିଛି ଯାଜପୁର ଟାଉନ ଥାନା ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଆଜି ପୁଲିସ ଦୋକାନରେ ଚଢ଼ାଉ କରି ଗଂଜେଇ ଓ ଅଫିସ ଜବତ କରିବା ସହ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁସାରେ, ଯାଜପୁର ଟାଉନ ଥାନା ଅଧିନ ଚିତାଳୋ କଲେଜଠାରେ ସ୍ଥାନୀୟ ଝାଡଙ୍ଗା ଅଞ୍ଚଳର ପ୍ରଫୁଲ କୁମାର କରଙ୍କ ପୁଅ ପ୍ରଶାନ୍ତ କୁମାର କର ଏକ କମ୍ପ୍ୟୁଟର ଓ ଗିପ୍ଟ ଦୋକାନ କରିଥିଲେ। କିନ୍ତୁ ଏହି ଆଳରେ ଏହାରି ଭିତରେ ସେ ଗଂଜେଇ ଓ ଅଫିମ ବିକ୍ରି କରୁଥିଲେ।
ଗତକାଲି ରାତିରେ ଟାଉନ ପୁଲିସର ପାଟ୍ରୋଲିଂ ଟିମ ଉକ୍ତ ଅଞ୍ଚଳକୁ ଯାଇଥିବା ବେଳେ ଏସଆଇ ଦିଲିପ କୁମାର କାଣ୍ଡି ଏନେଇ ସୂଚନା ପାଇବା ସହ ଥାନାଧିକାରୀ ଆଶିଷ କୁମାର ସାହୁଙ୍କୁ ସୂଚନା ଦେଇଥିଲେ। ଥାନାଧିକାରୀ ଶ୍ରୀ ସାହୁଙ୍କ ନିର୍ଦ୍ଦେଶ କ୍ରମେ ଏକ ଟିମ ମାଜିଷ୍ଟ୍ରେଟଙ୍କ ଉପସ୍ଥିତିରେ ଦୋକାନ ଉପରେ ଚଢ଼ାଉ କରି ଏକ ଧଳା ବ୍ୟାଗରୁ ୧ କେଜି ୬୦୦ ଗ୍ରାମ ଗଂଜେଇ ଓ ଏକ ଜରି ପ୍ୟାକେଟରୁ ୨୦ ଗ୍ରାମର ଅଫିମ ଜବତ କରିଥିଲେ । ପରେ ପୁଲିସ ଅଭିଯୁକ୍ତ ପ୍ରଶାନ୍ତ କୁମାର କରକୁ ଗିରଫ କରି କୋର୍ଟ ଚାଲାଣ କରିଛି।