କନକ ବ୍ୟୁରୋ : ଦେବାରେ ଯେତିକି ଆନନ୍ଦ ଥାଏ, ନେବାରେ ନଥାଏ । ଆଜିକା ବସ୍ତୁବାଦୀ ଦୁନିଆରେ ଏକଥାକୁ ବୁଝୁଛି କିଏ । କମ ଲୋକ ହିଁ ଅନ୍ୟପାଇଁ ଚିନ୍ତା କରନ୍ତି ବା ଅନ୍ୟ କଥା ବୁଝନ୍ତି । ଏକଥା ବୁଝିଛନ୍ତି ଯାଜପୁର ବିକାଶ ମଂଚର କର୍ମକର୍ତ୍ତା । ଏଥିପାଇଁ ୭ ବର୍ଷ ହେବ ଗରିବ ଦୁସ୍ଥ ଓ ଅବହେଳିତ ଲୋକଙ୍କୁ ସାହାଯ୍ୟ କରିଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ୱଚ୍ଛଳ ବର୍ଗ ଲୋକଙ୍କ ଠାରୁ ପୁରୁଣା ପୋଷାକ ସଂଗ୍ରହ କରି ସମାଜର ଅବହେଳିତ ଲୋକଙ୍କୁ ବାଂଟି ସାଉଂଟିଛନ୍ତି ଅଜସ୍ର ଆର୍ଶିବାଦ ଓ ଭଲପାଇବା । ପିଲା ଠାରୁ ବୟସ୍କ ସମସ୍ତଙ୍କ ପାଇଁ ଯାଜପୁର କିଆନାଳି ଛକରେ ଖୋଲାଯାଇଛି ପୁରୁଣା ବସ୍ତ୍ର ସଂଗ୍ରହ ଓ ବିତରଣ କେନ୍ଦ୍ର । ଯେଉଁଠି ଉଭୟ ବସ୍ତ୍ର ଦେଉଥିବା ଓ ନେଉଥିବା ଲୋକଙ୍କ ଭିଡ ଦେଖିବାକୁ ମିଳୁଛି । ଯାଜପୁର ବିକାଶ ମଂଚ ଏଭଳି ଆୟୋଜନକୁ ସହଯୋଗ କରିଆସିଛନ୍ତି ସହରବାସୀ । ବର୍ଷକ ଯାକର ବଳକା ଲୁଗାପଟା ସାଇତି ରଖିଥାନ୍ତି ଏହି କେନ୍ଦ୍ରରେ ଦେବା ପାଇଁ । ଏପରିକି ଅନେକ ମଧ୍ୟ ନୂଆ ବସ୍ତ୍ର ପ୍ରଦାନ କରୁଛନ୍ତି । ୭ ଦିନ ଧରି ଏହି କେନ୍ଦ୍ର ଖୋଲା ରହିବ । ଶେଷ ଦିନରେ ଅସହାୟଙ୍କୁ କମ୍ବଳ ଦିଆଯିବ ।