ଜେଟଲୀଙ୍କ ବିବାଦୀୟ ବୟାନ୍ ! କହିଲେ, ଛତିଶଗଡ ନିର୍ବାଚନରେ ମାଓବାଦୀଙ୍କ ସହ ମେଂଟ କରିଥିଲା କଂଗ୍ରେସ ।
କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ଏକ ଟ୍ୱିଟ୍ ଛତିଶଗଡ ରାଜନୀତିରେ ଭୂମିକମ୍ପ ସୃଷ୍ଟି କରିଛି । ଆଜି ଅରୁଣ ଜେଟଲୀ ଏକ ଟ୍ୱିଟ୍ ମାଧ୍ୟମରେ କଂଗ୍ରେସକୁ ଟାର୍ଗେଟ କରିଛନ୍ତି । ଛତିଶଗଡ ନିର୍ବାଚନରେ କଂଗ୍ରେସ ନକ୍ସଲମାନଙ୍କୁ ସମର୍ଥନ କରୁଥିବା ଏବଂ ସେମାନଙ୍କୁ ପ୍ରଶୟ ଦେଉଥିବା ଭଳି ବଡ ଅଭିଯୋଗ କରିଛନ୍ତି ଜେଟଲୀ । ନିଜ ଟ୍ୱିଟରେ ଜେଟଲୀ ଉଲ୍ଲେଖ କରିଛନ୍ତି ଯେ, ନିକଟରେ ଛତିଶଗଡରେ ହୋଇଥିବା ନିର୍ବାଚନରେ କଂଗ୍ରେସ ମାଓବାଦୀମାନଙ୍କ ସହ ମେଂଟ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
The Congress aligned with the Maoist in the recent Chhattisgarh elections. Rahul Gandhi stood shoulder to shoulder with the ‘Tukde Tukde’ gang at the Jawaharlal Nehru University. The Congress was in the forefront of defending the urban naxals in court.
— Arun Jaitley (@arunjaitley) February 10, 2019
ଅରୁଣ ଜେଟଲୀଙ୍କ ଏଭଳି ଟ୍ୱିଟ୍ ପରେ ଉଷ୍ମ ହୋଇଛି ଛତିଶଗଡ ରାଜନୀତି । ଜେଟଲୀଙ୍କ ଏହି ଟ୍ୱିଟକୁ ନେଇ ପ୍ରତିକ୍ରିୟା ରଖିଛି କଂଗ୍ରେସ । କଂଗ୍ରେସର ବରିଷ୍ଠ ନେତା ଏବଂ ମନ୍ତ୍ରୀ ମହମ୍ମଦ ଆକବର କହିଛନ୍ତି ଯେ, ରାଷ୍ଟ୍ରୀୟ ସ୍ଥରର ଜଣେ ନେତା ତଥା କେନ୍ଦ୍ରମନ୍ତ୍ରୀ ଏଭଳି ବୟାନ୍ ଦେବା ଉଚିତ୍ ନୁହେଁ । ବିନା କୌଣସି ତଥ୍ୟରେ ମିଛ ଅଭିଯୋଗ ଲଗାଇ ଦଳକୁ ବଦନାମ କରିବା ରାଜନୀତିରେ ଠିକ୍ କଥା ନୁହେଁ । ସେପଟେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲ ମଧ୍ୟ ଟ୍ୱିଟ୍ କରି ଜେଟଲୀଙ୍କ ବିରୋଧରେ ଓଲଟା ପ୍ରହାର କରିଛନ୍ତି ।