ଜଗତସିଂହପୁର ବିରିଡିରେ ତାତିଲେ ଲୋକ । ବାତ୍ୟାର ଆଂଶିକ ପ୍ରଭାବ ପଡିଥିବା ରିପୋର୍ଟ ଦେଇଥିଲା ଜିଲ୍ଲା ପ୍ରଶାସନ, ପ୍ରତିବାଦରେ ଉପଜିଲ୍ଲାପାଳ ଓ ତହସିଲଦାରଙ୍କୁ ଚଲାଇ ଚଲାଇ ନେଲେ ଲୋକେ
ଫୋନି ପରବର୍ତୀ ସ୍ଥିତିରେ ଲୋକେ ପାଣି ଓ ବିଦ୍ୟୁତ ପାଇଁ ସଂଘର୍ଷ କରୁଛନ୍ତି
କନକ ବ୍ୟୁରୋ : ଫୋନି ପରବର୍ତୀ ସ୍ଥିତିରେ ଲୋକେ ପାଣି ଓ ବିଦ୍ୟୁତ ପାଇଁ ସଂଘର୍ଷ କରୁଛନ୍ତି । ଆଉ ଏହି ସମୟରେ ଜଗତସିଂହପୁର ବିରିଡରେ ଲୋକେ ତାତିଛନ୍ତି । ବିରିଡି ବ୍ଲକ ସାଂଘାତିକ ଭାବେ କ୍ଷତିଗ୍ରସ୍ତ ହୋଇଥିଲେ ବି ଏଠାରେ ଆଂଶିକ କ୍ଷତି ହୋଇଛି ବୋଲି ଜଗତସିଂହପୁର ଜିଲ୍ଲାପାଳ କହିବା ପରେ ଲୋକେ ରାସ୍ତା ଅବରୋଧ କରିଥିଲେ । ପରେ ଉପସ୍ଥିତ ଲୋକେ ଉପଜିଲ୍ଲାପାଳ , ବିଡିଓ ଓ ତହସିଲଦାରଙ୍କୁ ଚଲାଇ ଚଲାଇ କ୍ଷତି କଣ ହୋଇଛି ତାହା ଦେଖାଇଥିଲେ । ତେବେ ବାତ୍ୟାରେ ଜଗତସିଂହପୁର ଜିଲ୍ଲାରେ ଅନେକ କ୍ଷତି ହୋଇଥିବା ସ୍ଥାନୀୟ ଲୋକ କହୁଥିବା ବେଳେ ପ୍ରଶାସନ ଏହାକୁ ସଠିକ ଭାବରେ ଉପସ୍ଥାପିତ କରିନଥିଲା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ବାତ୍ୟା ଫୋନିରେ ଜଗତସିଂହପୁରରେ ଅନେକ କ୍ଷତି ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଥିଲା । ତେବେ ବାତ୍ୟା ପରେ ମଧ୍ୟ ଜିଲ୍ଲାରେ ଅନେକ ଗଛପତ୍ର ଭାଙ୍ଗିବା ସହ ରାସ୍ତା ଉପରେ ବିଦ୍ୟୁତ ଖୁଣ୍ଟ ପଡିଯାଇଥିଲା । ଏପରିକି ଜିଲ୍ଲାର ଅନେକ ସ୍ଥାନରେ ବିଦ୍ୟୁତ ସରବରାହ ମଧ୍ୟ ବନ୍ଦ ରହଥିଲା । କିନ୍ତୁ ଏହାକୁ ପ୍ରଶାସନ ନମାନିବାରୁ ତାତିଥିଲେ ଲୋକ । ଏପରିକି ଉପ-ଜିଲ୍ଲାପାଳ ଓ ତହସିଲଦାରଙ୍କୁ ରାସ୍ତାରେ ଚଲାଇ ଚଲାଇ ନେଇ ପ୍ରକୃତରେ କଣ କ୍ଷତି ହୋଇଛି ତାହା ଜଣାଇଥିଲେ । ଏହି ଖବରକୁ ନେଇ ଚର୍ଚ୍ଚା ମଧ୍ୟ ଜୋର ଧରିଛି ।