କନକ ବ୍ୟୁରୋ : ଆଉ ଦିନକ ପରେ ମହାଶିବରାତ୍ରୀ ଜାଗର ଉତ୍ସବ । ତେଣୁ ଚଳଚଂଚଳ ହୋଇଉଠିଛି ଢେଙ୍କାନାଳ ଜିଲ୍ଲାର କପିଳାସ ପୀଠ । ଶ୍ରୀ ଶ୍ରୀ ଚନ୍ଦ୍ରଶେଖର ଜୀଉଙ୍କ ପୀଠରେ ଶ୍ରଦ୍ଧାଳୁଙ୍କ ସମାଗମକୁ ଆଖି ଆଗରେ ରଖି ଜିଲ୍ଲା ପ୍ରଶାସନ ଓ ଦେବୋତ୍ତର ବିଭାଗ ତରଫରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଁଚିଛି । ପ୍ରଭୁ ଶ୍ରୀଚନ୍ଦ୍ରଶେଖର ଜୀଉଙ୍କ ନିକଟକୁ ଯିବାକୁ ୨ଟି ବାଟ ରହିଛି ।
Kanak News is now on WhatsApp
Join and get latest news updates delivered to you via WhatsApp
୧୩୫୨ ପାହାଚ ରାସ୍ତାରେ ରାତିକାଳୀନ ସୁରକ୍ଷା ଏବଂ ଆଲୋକୀକରଣ କରିବା ଲାଗି ମନ୍ଦିର କମିଟି ପ୍ରଶାସନ ନିକଟରେ ଦାବି ରଖିଛି । ସେହିପରି ୧୨ବାଙ୍କ ରାସ୍ତା ଦେଇ ଯାନବାହାନରେ ଆସୁଥିବା ଶ୍ରଦ୍ଧାଳୁମାନଙ୍କ ସୁରକ୍ଷା ଲାଗି ପ୍ରତି ବାଙ୍କରେ ପୋଲିସ ମୁତୟନ କରାଯାଉଛି । ଚଳିତ ବର୍ଷ ୫ଲକ୍ଷ ଶ୍ରଦ୍ଧାଳୁଙ୍କ ସମାଗମକୁ ଆଖି ଆଗରେ ରଖି ପାନୀୟ ଜଳ, ସ୍ୱାସ୍ଥ୍ୟସେବା, ନୀରବଛିନ୍ନ ବିଦ୍ୟୁତ ଯୋଗାଣ, ଉପରେ ବିଶେଷ ଗୁରୁତ୍ୱ ଦିଆଯାଇଥିବା ଜିଲ୍ଲା ଦେବୋତ୍ତର ଅଧିକାରୀ କହିଛନ୍ତି ।