କନକ ବ୍ୟୁରୋ: ମୁହଁରେ ମୃଦଙ୍ଗର ସ୍ୱର । ମୃଦଙ୍ଗରେ ନୁହେଁ ବରଂ ମୁହଁରେ ବାଜୁଛି ବାଜା । ହଁ ଆଜ୍ଞା ବିନା ମୃଦଙ୍ଗରେ ବିନା ତବଲାରେ ଜଣେ କୁନି ବାଳକ ସୁନ୍ଦର ତାଳରେ ଲୋକଙ୍କୁ କିମିଆ କରୁଛନ୍ତି । ତାଙ୍କ ପାଟି, ଛାତି ଆଉ ହାତର ସାହାଯ୍ୟ ସେ ସୁରିଲା ବାଜା ବଜାଉଛନ୍ତି । ଆଉ ତାଙ୍କ ବାଜା ବଜାଇବାର ଶୈଳୀ ଯିଏ ଦେଖୁଛି, ଯିଏ ଶୁଣୁଛି ସିଏ ଘଡିଏ ଅଟକିଯାଉଛି । ଆଉ ତାଳି ମାରି ବାଃ ବାଃ ଜଣାଉଛି…
Kanak News is now on WhatsApp
Join and get latest news updates delivered to you via WhatsApp
ତେବେ ଏହି କୁନି ପ୍ରତିଭାବାନ ବିଟ ବକ୍ସର ଜଣକ ହେଉଛନ୍ତି ଜଗନ୍ନାଥ ନାୟକ । ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଖଟଖଟିଆ ସ୍କୁଲର ସପ୍ତମ ଶ୍ରେଣୀର ଛାତ୍ର ଜଗା ପିଲାବେଳୁ ଏହି ଅଭ୍ୟାସ କରିଛନ୍ତି । ବାପାଙ୍କ ମୃଦଙ୍ଗ ବାଦ୍ୟ ଶୁଣି ସେ ନିଜ ହାତ ଓ ପାଟି ମାଧ୍ୟମରେ ଅଭ୍ୟାସ କରୁଥିଲେ । ଆଉ ଜଗାର ଏ ପ୍ରତିଭା ଦେଖି ଶିକ୍ଷକମାନେ ତାକୁ ଆହୁରି ବଜାଇବାକୁ ପ୍ରେରଣା ଦେଇଥିଲେ ।
ସ୍କୁଲର ଏକ ପ୍ରତିଯୋଗିତାରେ ଭାଗନେଲା ବେଳେ ଜଗାର ଏଅ ପ୍ରତିଭାକୁ ଆବିଷ୍କାର କରିଥିଲେ । ଆଉ ସେହି ଦିନଠାରୁ ଜଗାକୁ ବିଟ୍ ବକ୍ସିଂ ଜାରି ରଖିବାକୁ ଶିକ୍ଷକମାନେ ଉତ୍ସାହିତ କରି ଆସିଛନ୍ତି । ତେବେ ଜଗାର ଏ ନିଆରା ପ୍ରତିଭା ତାକୁ ସାଙ୍ଗମାନଙ୍କ ପାଖରେ ସ୍ୱତନ୍ତ୍ର କରିଥିବା ବେଳେ ଖାଲି ସ୍କୁଲ ନୁହେଁ ବରଂ ବାହାରେ ମଧ୍ୟ ତାକୁ ପ୍ରଶଂସା ମିଳୁଛି ।