ପୁଣିଥରେ ଶାହିଦ ଓ କରିନାଙ୍କୁ ଏକା ସାଙ୍ଗରେ ବଡ ପରଦାରେ ଦେଖିବାକୁ ଚାହୁଁଥିବା ପ୍ରଶଂସକଙ୍କ ମନ ଭାଙ୍ଗି ଦେଇଛନ୍ତି ଶାହିଦ କପୁର । ନିକଟରେ ଖବର ଆସିଥିଲା ୧୧ ବର୍ଷ ପରେ ପୁଣିଥରେ ଶାହିଦ୍-କରୀନା ଯୋଡି ବଡ ପରଦାରେ ରୋମାନ୍ସ କରିବେ । ଉଭୟେ ନିଜ କ୍ୟାରିୟର ଏବେ ଯାଏଁ କରିଥିବା ଫିଲ୍ମ ମଧ୍ୟରୁ ବେଷ୍ଟ ପରଫରମାନସ୍ ଫିଲ୍ମ ‘ଜବ ୱି ମେଟ’ର ସିକ୍ୱେଲ ପାଇଁ ଏକା ସାଙ୍ଗରେ ନଜର ଆସିବେ ସାହିଦ-କରୀନା । କିନ୍ତୁ ନିକଟରେ ଶାହିଦ ଦେଇଥିବା ଏକ ବୟାନ ଫ୍ୟାନମାନଙ୍କ ମନ ଭାଙ୍ଗି ଦେଇଛି । ଶୁଣିବାକୁ ମିଳୁଥିଲା ଯେ, ନିର୍ଦ୍ଦେଶକ ଇମତିଆଜ ଅଲ୍ଲୀ ସୁପରହିଟ୍ ଫିଲ୍ମ ଜବ ୱି ମେଟର ସିକ୍ୱେଲ ବନାଇବାକୁ ଯାଉଛନ୍ତି । ଆଉ ଏହି ସିକ୍ୱେଲ୍ ସିନେମାରେ ଏକ୍ସ ଲଭର୍ ଶାହିଦ୍ ଓ କରୀନା ପୁଣିଥରେ ଏକାଠି ଆସିବେ ନଜର । ମାତ୍ର ଏହି ଖବରକୁ ନେଇ ନିର୍ଦ୍ଦେଶକ ଇମତିଆଜ୍ ଅଲ୍ଲୀ ଏବେ ବଡ ଖୁଲାସା କରିଛନ୍ତି । ଇମତିଆଜ ଏହି ଖବରକୁ ଏକ ଗୁଜବ କହି ଏହା ସଂପୁର୍ଣ୍ଣ ଭୁଲ ବୋଲି କହିଛନ୍ତି । ଶାହିଦ କପୁର ଓ ଇମତିଆଜ ଅଲ୍ଲୀ ପୁଣିଥରେ ଏକାସାଙ୍ଗରେ କାମ କରୁଛନ୍ତି ସତ । ମାତ୍ର ଏହି ଚଳଚ୍ଚିତ୍ରର ‘ଜବ ୱି ମେଟ ‘ସହ କୌଣସି ସଂପର୍କ ନାହିଁ ଏବଂ ସେ ଏହି ଚଳଚ୍ଚିତ୍ରରେ ବିଲକୁଲ ବି ଉଦାସ ନଜର ଆସୁ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଫିଲ୍ମରେ କରୀନା ନଜର ଆସିବେ କି ନାହିଁ ସେ ନେଇ ଏହି ଦୁଇ ଜଣଙ୍କୁ ପ୍ରଶ୍ନ କରିଥିଲା ମିଡିଆ । ସାହିଦଙ୍କ ସହ ଫିଲ୍ମ କରିବା ପାଇଁ କରୀନା ଇଚ୍ଛୁକ କି ନାହିଁ ସେ ବିଷୟରେ ବି ସାହିଦଙ୍କୁ ପ୍ରଶ୍ନ ପଚରା ଯାଇଥିଲା । ଯାହାକୁ ନେଇ ଏକ ଭିନ୍ନ ଶୈଳୀରେ ଜବାବ ରଖିଥିଲେ ସାହିଦ୍ । ସାହିଦ୍ କହିଛନ୍ତି, ‘ଜବ ୱି ମେଟ’ ତିଆରି ହୋଇସାରିଛି ଏବଂ ତାହାର ସିକ୍ୱେଲ ହବାର କୌଣସି ପ୍ରଶ୍ନ ଉଠୁନାହିଁ । ଏକ କଳାକାର ହିସାବରେ ସେ ଭିନ୍ନ ଭିନ୍ନ ଚରିତ୍ର କରିବାକୁ ପସନ୍ଦ କରନ୍ତି ଏବଂ ଏହା ତାଙ୍କର ଲକ୍ଷ୍ୟ । ତାଙ୍କ ପାଇଁ ସବୁବେଳେ ଅଭିନୟ ଭଲ କି ଖରାପ କରିବାର ପ୍ରଶ୍ନ ନଥାଏ, ସେ ଚେଷ୍ଟା କରନ୍ତି ଏହା କିପର ପ୍ରତ୍ୟେକ ଥର ଭିନ୍ନ ହେଇପାରିବା । ଏବେ ଶାହିଦ ଶ୍ରୀ ନାରାୟଣ ସିଂହଙ୍କ ଫିଲ୍ମ ‘ବତି ଗୁଲ ମିଟର ଚାଲୁ’ର ସୁଟିଂରେ ବ୍ୟସ୍ତ ଅଛନ୍ତି ।